Levhi 26:4 - Bhibhiliya Nya Guage

⁴ khu guralo mwa gu gira isoso, nyi na mi ninga ndzadzi khu gikhati gi vbwetegago; mafu ma na mi ninga dzimbewu nya gutale, ni misimbo ya thembweni yi na dusa mihandro nya yadi.

Levhi 26:4 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

Joba 5:10

Khuye a wisago ndzadzi mafuni, ni gu gogisa mati mahangeni;

Dzindzimo 104:13

Khu nyumbani gwago, u ngu rumela dzindzadzi dzi naganisa sigomo, u khurisa litigo khu mihandro nya makategwa yago.

Dzindzimo 67:6

Mafu ma velegide mihandro yaye, Nungungulu, Nungungulu wathu a ngu hi kategisa!

Dzindzimo 67:7

Nungungulu a na hi kategise, mafuni gwatshavbo va na gu ninge githawo.

Dzindzimo 68:9

Uwe Nungungulu, u wiside ndzadzi nya yingi; u wusedza litigo lago li nga bani li vbede tshivba.

Dzindzimo 85:12

Uye Pfhumu Nungungulu a na hi ninga makategwa, litigo lathu li na ninga mihandro yaye.

Dzindzimo 85:13

Gululama gu na thanga mbeli ga Nungungulu, avbo a gandrago avbo, ya gu tulega ndzila.

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Ezekiyeli 36:30

Nyi na andrisa mihandro nya misimbo ni gufuma dzimbewu marembweni, gasi mu si poyidwi gambe khu va nya mayigo khu kotani nya ndzala.

Joyele 2:22

Enu sirengo sa khabini mu nga thavi, kholu mahawo ya giwulani ma na nyuga, kholu misimbo yi ngu ninga mihandro yaye marembwe ni mikandzu ni miuvha yi ngu lemedwa khu mihandro.

Levhi 25:19

Mafu ma na ninga mihandro yaye, mu na hodza mu khura; gambe mu na vbanyani na mu tiyide tigoni nyamba thava gilo.

Levhi 25:21

Eni nyi na mi ninga gikategiso gyangu khu mwaga nya livbandre na moyo, gasi gu ninga mihandro nya guningane myaga miraru;

Zakariya 8:12

Kholu mbewu yi na andra, lithembwe nya miuvha li na ninga mihandro yaye, mafu ma na ninga dzimbewu, ni ndzadzi yi na tshisa thondrwane yaye; nyi na gira gu mitshaledwa nya vathu vava va hakhe satshavbo sesi kha nga thomba.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Dhewuteronome 11:14

nyi na wisa ndzadzi tigoni gwanu khu gikhati gi vbwetegago, ndzadzi nya maronga ni ndzadzi nya girame, mu kodze guvbwera tirigu yanu, gasi mu mane vbinyu nya yiphya ni mafura.

Dhewuteronome 28:12

Pfhumu Nungungulu a na gu tulela thomba yaye nya yadi, ndzadzini, a gu ninga ndzadzi tigoni gwago khu gikhati gyakone ni gu kategisa thumo watshavbo nya mandza yago; u na fuyarisa mayigo nya mangi, aholu uwe khu na fuyari gilo.

Jakobe 5:7

Khu guralo, vandriyangu, timiselani kala Pfhumu yi wuya. Wonani edzi mulimi a timiselago khidzo, kala lithembwe laye li ninga mihandro nya yadi. Uye a gu timisela, a gu virela ndzadzi nya guphele ni eyi nya guhegise.

Gutuledwa 11:6

Dzifakazi dzedzi dzi na ni tshivba nya gusege ndzadzi yi siwi ndrani nya matshigu yatshavbo nya wuprofeti wawe, ni tshivba gambe nya gu vbindrugedze mati ma gu khala novba, ni gu tsayisa litigo khu mafumbu yatshavbo nya mitungu.