Levhi 26:39 - Bhibhiliya Nya Guage

³⁹ Va na gyanu, vale va na gu vbulugago, va na mbembiswa khu manyala yawe ni ya vababe vawe tigoni ga valala vawe.

Levhi 26:39 Iomraidhean Croise

2 Dzikoronika 34:24

Pfhumu Nungungulu a ngu ganela, khuye: Wonani, nyi na rumela libango nya likhongolo wulanga wowu ni ga vathu va vbanyago avbo, malito yatshavbo nya givalo ma lovidwego Libhukuni momu hi hevbudego mbeli ga mufumeli wa Judha.

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 14:21

Lulamisani wulanga nya gusongele avbo sanana sawe, si livba nandru nya sighoho sa vavelegi wawe, gasi va si wugi va fuma litigo va tadza litigo khu madhoropa yawe.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Jeremiya 29:12

Mwa gu nyi rana ni gu nyi khozela, eni nyi na mi yingisa.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 31:29

Khu matshigu yoyo kha va na ganela gambe, khavo: Vababe va hodzide dziuvha nya dzimbihu, aholu magwaha ya ethu sanana ma ngu khuyugela.

Gililo 1:3

Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Ezekiyeli 18:19

Aholu, mu na wudzisani, khenu: “Khu ginani gyanana gi gumba bela nandruni ga babe waye?” Kholu gyanana gi giride ugo gu gu gwadi ni gululama, gambe gi diri ni githawo ni gu yingisa sileletelo sangu satshavbo, khu kotani nya isoso, igyo khu lisine gina vbanya.

Ezekiyeli 20:43

Avbovbo mu naya alakanya dzindzila dzanu ni mithumo yanu yatshavbo iyo mu dzi nyenyezisidego khiyo, mu napwa wuvi enu vamune kamwe khu iso mu giridego.

Ezekiyeli 24:23

Mu na khala na mu ambade sihugu hungoni ni silato migondroni; kha mu na gira gililo ambari gulila, aholu mu na mbemba khu kota nya guvivbe gwanu, gambe mu na lilelana khu gyanu.

Ezekiyeli 33:10

Khu guralo, uwe, mwamana wa muthu, tivisa ndranga ya Israyeli, khuwe: Enu mwari, khenu: Ethu ha gu lemedwa khu nandru nya sighoho sathu, olu hi ngu vbweta gumbemba khu kotani nya iso, hi na dzi vbanyisa kharini?

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Ezekiyeli 4:17

kholu, gu na hamugega guhodza ni mati. Va na khedzana khu gyawe na va tade khu hwanga khu kotani nya sighoho sawe.”

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Zakariya 10:9

Nyi na va phalalegisa vbakari nya mahundzu, khu mayigoni ga hwindzo va na nyi dundruga, va na vbanya gumogo ni sanana sawe, khu hwane va na wuya.

Mitengo 14:18

Eni Pfhumu Nungungulu nyi ngu hwela gu goroga, Nyi na ni wuhindzi ni gu divalela; nyi tsetselelago milandru ni sighoho; gambe kha nyi digi gu tsayisa avo va ghohidego, nyi ngu tsayisa sanana khu sighoho sa vavelegi, kala gitugulwana nya wuraru nigyo nya wu na.

Dhewuteronome 28:65

Ambari vbakari nya mayigo yoyo, khu na ya mana gurula, ambari wulanga nya guvege gitshinandro nya ngondro wago. Kholu iyoyo Pfhumu Nungungulu a na gu ninga monyo nya gundrendremele, ni maho nya gupfhupele, ni hefemulo wu vbisegago.

Dhewuteronome 30:1

Khu guralo, gikhati si na gu gu dugelela, silo satshavbo sesi nyi si ganedego gwago, nya makategwa ni mabango, wa gu si alakanyela khu monyoni gwago nuri vbakari nya mayigo yatshavbo ayo Pfhumu Nungungulu wago, a na gu phalalegisago ga ayo;

Dhewuteronome 5:9

u nga gi khidzimeli ambari gu gi khozela; kholu Eni Pfhumu Nungungulu wago, nyi Nungungulu nya wufu, nyi tsayisago sanana khu kotani nya sighoho sa vavelegi kala gitugulwana nya wuraru nigyo nya wu na ga vale va nyi vengago;

Dhewuteronome 8:20

U na mbemba gu fanana ni mayigo ma mbembisidwego mbeli gwanu khu Pfhumu Nungungulu; kholu kha wa vbweta gu yingisa lito la Pfhumu Nungungulu wanu.