Levhi 26:36 - Bhibhiliya Nya Guage

³⁶ Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Levhi 26:36 Iomraidhean Croise

Genesi 35:5

Na va khugide, Nungungulu a di thela hwanga ni githawo ga vathu va madhoropani ya vbafuvbyana mule, mwalo ni moyo a nga dugago a gu tutumisa sanana sa Jakobe.

Genesi 4:12

Ambari u lima kharini, mafu kha ma na gu ninga gambe gufuma mihandro khu tshivba yaye. U na penga u legalega ni litigo.”

2 Dzikoronika 14:14

Va di sasela madhoropa yatshavbo ma nga bani mari vbafuvbi ni Gerari, kholu avo va di tade khu hwanga nya guthave Pfhumu Nungungulu, va phanga gambe madhoropa yatshavbo, kholu ma diri ni thomba nya yingi.

Joba 13:25

Wa guvbweta gu thela hwanga lihagane leli, li vbuvbisidwego khu phuvbo, gani? Mwendro gu tutumisa mavivi nya gubange, gani?

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Dzindzimo 89:43

U lambiside matshari yaye, u mu diga a padwa nyimbitunu.

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Isaya 7:4

u naya mu embela, khuwe: Dzi wonele, rula! U nga thavi ambari gu vbela tshivba khu kotani nya sihalyana sivili si tuvigago wutshi; khu kotani nya likhulo la Rezimi gumogo ni la Siriya, ni la mwamana wa Remaliya.

Jeremiya 37:10

Ambari nari gupwani Vakalidhiya, mu di va sasede vatshavbo va vbela, gu tshala basi vale nya gu bayisedwe mitshatshani gwawe, moyo ni moyo a di hadza gu duga khu tshatshani gwaye ata vbisa khu nilo lidhoropa leli.

Jeremiya 46:16

Nya vangi va gu tshunganela va thega, moyo a thega vbatshani ga mumbe, va embeledzelana, khavo: Hongoleni hi wuge hi bwelele ga va na gyathu tigoni gwathu nya mavelego, hi thava matshari ma hi saselago.

Gililo 1:3

Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Gililo 1:6

Gungangamela ga lidhoropa la Siyoni gu mwalalegide. Manganagana yaye ma khade nga dzimangwa dzi hamugago wuhaviselo, dzi thavago na dzi vbede tshivba ga wule a dzi lundrago. Zain

Gililo 4:19

Avo va hi lundrago va na ni mazambo guvbindra maghama ya damboni, va di hi tutumisa sigomoni va hi demba khu milaphwi giwulani. Resi

Ezekiyeli 21:12

Womba huwa ni gu dilela, uwe mwamana wa muthu, kholu, ilo li na songetela vathu vangu, ni dzindruna dzatshavbo dza Israyeli. Avo, gumogo ni vathu vangu va ningedwe gasi gu songwa khu matshari; khu guralo, lila u dzi veta nyonga yago.

Ezekiyeli 21:15

Gasi myonyo yi titivale ni gu engedzela gutshunganela va thega, vbafuvbi ni dzinyangwa dzawe nyi vegide litshari nya gusonge. Oh! Ilo li giridwe gasi gukhedziga kha nga gulasa gasi gu sasela.

Ezekiyeli 21:7

“Gikhati va na gu wudzisago, gukhavo: Wa gu lilela ginani? U na va hakha, khuwe: Kotani nya mahungu maphya matago. Gikhati matago myonyo yatshavbo yi na titivala, mandza yatshavbo ma na hogolega, hefemulo watshavbo wu na titivala khu rerema, ni dzikhungumudzi dzatshavbo dzi na khala kha nga mati; wonani gukhenu si nguta, gambe si na girega; a ngu ganela Pfhumu Nungungulu.”

Hoseya 8:3

Israyeli nyenyide ndzila nya yadi; valala vaye va na mu landrelela.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:35

Li na hefemula khu matshigu yaye li na gu bani liri giwula, kholu khala kodza gu hefemula ndrani nya dzisabhadho nya matshigu yale mu nga bani mu vbanya umo.

Dhewuteronome 1:44

Aholu, Vaamori va nga bani va vbanya umomo va di duga va mi khinga; va mi lundra kha nga dzimifi gukhugela khu Seyiri kala Horima va mi palani.

Josuwa 5:1

Gikhati vafumeli vatshavbo va Vaamori, va nga bani va vbanyela Pfoladambo nya tsongo wa Joridhani ni vafumeli vatshavbo nya Vakhanani, va nga bani va vbanya khu wubambe nya yiphwa, va nga pwago gupwani Pfhumu Nungungulu bangiside mati nya tsongo wa Joridhani mbeli ga va na Israyeli, kala va tshatuga, va di vbela tshivba, va pilega longo khu kotani ya va na Israyeli.

Josuwa 7:5

Vama va Ayi va di songa magumararu na livbandre na moyo vama, vambe va va lundra gukhugela nyangwatunu nya siwindri, va ya va sasela relelotunu; myonyo ya vathu yi di nyiviliga yi vbindrugedza yi khala mati.

1 Samuweli 17:24

Avbo va na Israyeli va wonidego mwama wule, vatshavbo va di thava na va tade khu hwanga.