Levhi 26:34 - Bhibhiliya Nya Guage

³⁴ Khu guralo, litigo li na vegisa dzisabhadho dzaye, khu matshigu yale li na gu bani liri giwula, enu mu na bani muri tigoni ga valala vanu; khu gikhati gegi, litigo li na hefemula li sayisa dzisabhadho dzaye.

Levhi 26:34 Iomraidhean Croise

1 Dzipfhumu 8:46

Va gu gu ghohela kha nga a gu mwalo muthu nyamba ghoha, uwe u va gorogela u va ningela mandzani ga valala, gasi va va vbagela vaya girwa dzikhumbi tigoni ga valala vawe, hwindzo mwendro vbafuvbi ni litigo lawe;

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Levhi 25:10

Mu na agisa mwaga nya livbandre magumi, mu tivisa tigoni gwanu gwatshavbo gutshulega ga vathu vatshavbo va vbanyago umo. Mwaga yoyu, gu na bani guri gunengela nya gukhongolo vbakari gwanu; muthu ni muthu a na bwelela petoni gwaye, gambe muthu ni muthu a na wuya ga valongo vaye.

Levhi 26:35

Li na hefemula khu matshigu yaye li na gu bani liri giwula, kholu khala kodza gu hefemula ndrani nya dzisabhadho nya matshigu yale mu nga bani mu vbanya umo.

Levhi 26:43

Va na diga Litigo li khala giwula, li mana guhefemula gwaye nya dzisabhadho; avo va mana hakhelo nya milandru yawe, kholu va hambanide ni sileletelo sangu, mihefemulo yawe yi nyenyide milayo yangu.