Levhi 26:30 - Bhibhiliya Nya Guage

³⁰ Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Levhi 26:30 Iomraidhean Croise

Genesi 19:13

Kholu ha gu vbweta gupfhungumula wulanga wowu, kholu huwa yi vbohidego ga Pfhumu Nungungulu yikhongolo ngudzu khu kotani gwawe, Pfhumu Nungungulu a hi rumede guta va mbembisa.”

1 Dzipfhumu 13:2

A dita laledza vbagiluvelotunu khu magana ya Pfhumu Nungungulu, khuye: “Giluvelo, giluvelo! Pfhumu Nungungulu, a ngu ganela kharati, khuye: Khumo nya lihundzu la Dhavhidhe, gu na velegwa gyanana gi na ranwago pwani Josiya, uye a na songa vbatshani gwago, vaphasi nya mhamba va malangani nya sigomo va gu vbiselago libani, va na gu vbisela khu marambo nya vathu.”

1 Dzipfhumu 13:32

Kholu ma na tadzisega magana ya Pfhumu Nungungulu a nga huwelelago khu mahungu nya giluvelo gi guromo Bheteli, gumogo gambe ni dzinyumba dzatshavbo dzi guromo musigomoni sa madhoropani ga Samariya.”

2 Dzipfhumu 23:16

Josiya a di thendregedza a khedza marowo ma nga bani ma romo vbagigomotunu, a di rumela guya dzegwa marambo ya marowoni mule, ata ma vbisa vbagiluvelotunu vbale, a di gi nyenyezisa kharalo, kha nga idzo Pfhumu Nungungulu a ganedego khu magana ya muthu wa Nungungulu, gikhati a ganedego magana yaya.

2 Dzipfhumu 23:20

A di songa vatshavbo vaphasi nya mhamba va malangani nya gukhugege ma nga bani na mari vbale, a dzega marambo nya vathu a ma vbisa vbasiluvelotunu sawe; khu hwane a di bwelela Jerusalema.

2 Dzipfhumu 23:8

A di rana vaphasi vatshavbo nya mhamba va dhoropani gwa Judha a nyenyezisa malangani gwatshavbo nya gukhugege, umo vaphasi nya mhamba va nga bani va vbisela umo libani, gukhugela Gebha kala Bherisebha; a khungumula malanga nya gukhugege nya dzinyangwa ma guromo ndzilani nya nyangwa ya Josuwa, muthangeli nya lidhoropa, li nga bani li khade khu phuvbo ga nyambade nya nyangwa nya gubele dhoropani.

2 Dzikoronika 23:17

Khavbo avbo, vathu vatshavbo va di bela nyumbani ga Bhahali vaya mu khungumula; va phwatisela siluvelo ni sifananiso saye, va songa Matani, muphasi nya mhamba wa Bhahali, va mu songela vbasiluvelotunu saye.

2 Dzikoronika 31:1

Hwane nya gu bani gu vbede esi, vatshavbo va na Israyeli va nga bani na vari vbale, va di khuga va hongola madhoropani ya Judha, vaya pandrelela sifananiso, va kokelela madingo nya sifananiso sa Asitaroti, va khungumulela malanga nya sigomo, ni siluvelo tigoni gwatshavbo gwa Judha, ga Bhejami, ga Efrayimi ni ga va na Manasi, kala va vbedza satshavbo. Khavbo avbo, vatshavbo va na Israyeli, va di bwelela, muthu ni muthu a hongola gaya gwaye.

Dzindzimo 106:40

Likhulo la Pfhumu Nungungulu li di khondra ga vathu vaye, a va tsukula, vathu va gu thomba yaye.

Dzindzimo 89:38

Aholu uwe u digide gihathwa gyago, u gi nyenya u gi reda phuvbo!

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Ezekiyeli 16:39

Eni nyi na gu ningela mandzani ga sibhayi sago, avo va na khungumulela malanga yago nya miphaso nya gunyenyeze ya musigomoni, va gu rundruwulela guambala gwago, va gu dzegela sombo sago nya lisima, va gu diga nuri wumbwiri.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Ezekiyeli 6:13

Va na nyiti gukhavo kheni Pfhumu Nungungulu, gikhati sirumbi sa vathu vawe si na gu mbambamelago vbakari nya sifananiso sawe, ni bambe nya siluvelo sawe, ni musigigomoni gwatshavbo ni dzitshokhani gwatshavbo nya sigigomwana, vbavbatshi nya misimbo yatshavbo nya gunyuge, ni ga miguhu yatshavbo nya guaname, ni malangani yatshavbo va nga bani va gu vbisela umo libani sifananiso sawe nya vanungungulu.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Levhi 20:23

Mu nga landrisi tumbunugo nya mavbanyelo ya vathu nyi na gu va lundrago mbeli gwanu; kholu va giride silo sesi satshavbo nya guvivbe; va nyi goroside.

Levhi 26:11

Nyi na vbaha nyumba yangu nya guage vbakari gwanu, hefemulo wangu kha wu na hambana nanu.

Levhi 26:15

mwa gu kanyisa sileletelo sangu, ni gumba girani milayo yangu, mu kala mu vboha avbo nyamba sayisa milayo yangu yatshavbo, mu pila gidzumeledzwano gyangu;

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Dhewuteronome 32:19

Pfhumu Nungungulu a si wonide a gu goroga, a mu diga, na gu goroswa khu sanana sawe nya sikhwathana niso nya sagadzyana.