Levhi 26:3 - Bhibhiliya Nya Guage

³ Mwa gu vegedzani milayo yangu, mu yingisa sileletelo sangu mu si landrisa,

Levhi 26:3 Iomraidhean Croise

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Isaya 1:19

Mwa gu bani mu dzi emisede gu nyi yingisa, mu na hodza nya sadi sa tigoni momu.

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Levhi 19:25

Khu mwaga nya livbandre, mu na hodzani enu mihandro yakone, gasi misimbo yi mi velegela mihandro nya gutale. Eni kheni Nungungulu wanu.

Zakariya 8:12

Kholu mbewu yi na andra, lithembwe nya miuvha li na ninga mihandro yaye, mafu ma na ninga dzimbewu, ni ndzadzi yi na tshisa thondrwane yaye; nyi na gira gu mitshaledwa nya vathu vava va hakhe satshavbo sesi kha nga thomba.

Malakiya 3:10

Resani miningelo yatshavbo nya gipandre nya likhumi avba nya silo nya dzithomba dzanu, muta thela kwamani nya Nyumba ya Nungungulu gasi gu manega guhodza Nyumbani gwangu, khu hwane nya isoso nyi lingeni, mu na wonani mwendro kha nyi na mi tulelani sihogo sa ndzadzini, mwendro kha nyi na mi vbaladzelani talo nya makategwa;” a ngu ganela Pfhumu Nungungulu nya Tshivba Yatshavbo.

Dhewuteronome 7:12

Khu guralo, wa gu yingisa milayo yeyi, u yi vegedza ni gu yi landrisa, Pfhumu Nungungulu wago, a na sayisa gidzumeledzwano ni wuhindzi a tumbisidego khu gusambanya ga vababe vago.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.