Levhi 26:26 - Bhibhiliya Nya Guage

²⁶ Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Levhi 26:26 Iomraidhean Croise

2 Dzipfhumu 6:25

Gu di manega ndzala nya yikhongolo ngudzu tigoni ga Samariya, kholu Vaasiriya va di randrela lidhoropa, avbo hungo nya buru wu nga bani wu rengiswa khu livbandre na mararu magumi dzisikulu nya parata, gipandre nya wu na nya swanyi nya sipomba khu livbandre dzisikulu nya parata.

Dzindzimo 105:16

A di gira yi manega ndzala tigoni mule, a diga vathu nyambana guhodza.

Isaya 3:1

Kholu, wonani nya gukhenu: Mune, Pfhumu Nungungulu Nya Tshivba Yatshavbo, a na wandrela Jerusalema ni Judha iso si va vbanyisago ni siseketelo satshavbo, a na va dzegela guhodza gwawe gwatshavbo ni mati nya gusele.

Isaya 5:10

Umo nya likhumi dzindrima nya lithembwe nya miuvha, gu na duga basi vbinyu nya gutadze phongolo moyo; ni likhumi mipimo nya dzimbewu dzi yadwago, dza gu vbwerwa, dzi na dusa basi gitundru gimwegyo!”

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Isaya 9:20

Va gu pila gitsuwu khu nyamudye, va gu simama gupwa ndzala, va gu hodza khu nyambade, aholu va gupwa ndzala; muthu ni muthu a gu hodza nyama ya muthu kwawe.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Ezekiyeli 14:13

“Mwamana wa muthu, litigo nya gukari la gu nyi ghohela khu gumba tumbega, nyi na thawuludza libogo langu nyi li dzegela guhodza, nyi li rumela ndzala, nyi songetela vathu vaye gumogo ni sirengo saye.”

Ezekiyeli 4:10

Guhodza gwago u na hodzago khu litshigu, u na pima magumavili dzisikulu; u na hodza khu gikhati ni gikhati.

Ezekiyeli 4:16

A di engedza a ganela, khuye: “Mwamana wa muthu, nyi na pila guhodza dhoropani ga Jerusalema. Vathu va na hodza gibaba khu gu pimedwa na va gu ndrendremela, va sela mati nya gupimedwe na va gu thuruga;

Ezekiyeli 4:17

kholu, gu na hamugega guhodza ni mati. Va na khedzana khu gyawe na va tade khu hwanga khu kotani nya sighoho sawe.”

Ezekiyeli 5:16

Gikhati nyi na gu khwandrelago sighalala sangu nya guthise nya ndzala, iso nyi na gu si rumelago gasi guta mi mbembisa, nyi na engedzela ndzala yi dandra bwelo khavbo gu si manegi guhodza.

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Levhi 26:27

Ambari khu satshavbo sesi, mwa gu simama gumba nyi yingisani,

Mikeya 6:14

Uwe u na hodza, aholu khu na khura; u na khala gupwa ndzala gikhati gyatshavbo. U na wungedzela, aholu kha wu na wuyedwa khu gilo; kholu iso si na vbulugago nyi na si mbembisa khu litshari.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”