Levhi 26:25 - Bhibhiliya Nya Guage

²⁵ Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Levhi 26:25 Iomraidhean Croise

2 Samuweli 24:15

Khavbo avbo, Pfhumu Nungungulu, a di rumela tungu nya gusonge tigoni ga Israyeli, wu di bela gukhugela vbadzimindrutunu kala gikhati gi emisedwego, gukhugela Dhani kala Bherisebha, gu difa livbandre na mavili magumi mazana (70.000) vama va tigoni.

1 Dzipfhumu 8:33

Vathu vago va na Israyeli, va gu padwa khu valala vawe, khu gu bani va gu ghohede, va vbindrugedza va wuya va ta rungudza Lina lago, va gu dzi laya va ta lombelela nyumbani momu,

1 Dzipfhumu 8:37

Gwa gu manega ndzala tigoni, mwendro tungu, ni gihala gi vbisa dzimbewu, maluvbya, dzimbera ni siwungu; va gu randredwa khu valala vawe, tigoni gu gu ni dzindranga dzawe, mwendro gu manega dzingumbe nya guhambanelane ni mitungu,

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzikoronika 24:24

Ambari ulo masotshwa ya Siriya, ma ngatago na mari madugwana, Pfhumu Nungungulu a di ma ninga tshivba nya gupale masotshwa nya gutale ngudzu nya Vajudha, kholu avo va di digide Pfhumu Nungungulu wa vababe vawe. Khu guralo, Vaasiriya va di gira ga Jowasi gulamula gwa Nungungulu.

Dzindzimo 94:1

Uwe Pfhumu Nungungulu nya gutsayise, dzi nonedze uwe Nungungulu nya guphodzele.

Ekisodha 5:3

Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Ezekiyeli 20:37

Nyi na mi gira mu vbindre khu vbavbatshi nya ndronga yangu, nyi mi gurumedza gu landrisa gidzumeledzwano gyangu.

Ezekiyeli 29:8

Khu guralo, Mune Pfhumu Nungungulu, a ngu ganela kharati, khuye: Wona nya gukhuwe, nyi na gu resela dzinyimbi dzi ta mbembisa vathu ni sirengo sago.

Ezekiyeli 33:2

Mwamana wa muthu, ganela ni va na gyanu u va embela, khuwe: Nya gu rumela dzinyimbi gasi guta sasela litigo nya gukari, litigo lolo, li na hathe mwama moyo gasi gu khala muwoneleli,

Ezekiyeli 5:17

Nyi na mi rumelani ndzala ni sirengo nya likhabi si na guta songetelago sanana sanu. Tungu ni gu vbalaga nya novba, si na vbindra khavbo gwanu, gambe nyi na mu resela dzinyimbi mu ta sasedwa khu matshari. Eni, Pfhumu Nungungulu nyi ganede kharato.

Ezekiyeli 6:3

u va embela, khuwe: Enu sigomo sa Israyeli, upwani magana ya Pfhumu Nungungulu, a ngu ganela kharati ga enu sigomo, sigomwana, mitsongo ni mikova, khuye: Nyi womo vbafuvbi ni gu resa dzinyimbi dzi ta mi saselago; nyi na khungumula siluvelo sa vanungungulu vanu nya malipha.

Hoseya 11:6

Madhoropa yawe ma na sasedwa khu matshari, va fanyeledzela migonyo nya malimba yawe nya dzisimbi, va sasedwa khu kota nya makungo va ma giridego vabune.

Levhi 26:6

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Habhakuka 3:5

Mbeli gwaye gu di thanga mitungu; gasi hwane gwaye gu landrela madwali nya guthise.

Mitengo 14:12

Nyi na va vbedza khu tungu nyi va mbembisa, aholu uwe nyi na gu gira lihundzu nya likhongolo eli li gu na ni tshivba nya guvbindre avo.”

Mitengo 16:49

Avo va nga fago khu tungu wule va diri likhumi na mana ni livbandre na mavili mazana (14.700), khavo va ngafago khu kotani ya Kore.

Mitengo 31:3

Khu guralo, Mosi a di embela vathu, khuye: “Vbakari gwanu, hathani vambe vama va soma matshari, va ya sasela Vamedhiyani, mu phodzela Pfhumu Nungungulu khu iso va giridego.

Luka 21:11

Si na manega sirevareva nya sikhongolo; malanga nya mangi gu na manega ndzala ni mitungu nya gutale; si na tumbuluga silo nya guthise mafuni ni siwonegiso nya sikhongolo Ndzadzini.

Dhewuteronome 28:21

Pfhumu Nungungulu a na gu rumela tungu wu gu namarela, kala wu gu fuvisa ga litigo u yelago guya li dzega u li fumela.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 32:41

Avbo nyi na lodzago litshari langu nya gukhedzige, avbo nyi na gu lamulago khu mandza yangu, nyi dzi phodzela ga valala vangu, nyi na bweledzela vale va nyi vengago.

Valamuli 15:11

Khavbo avbo, gu di duga magumararu mazana (3.000) vama va na Judha, va relela phagoni nya giwindri gya Etani vaya embela Samisoni, khavo: “Ina uwe khu dziti gilo nya gukhuwe Vafilisitiya va ngu hi fumela, gani? Khu ginani u hi giredego silo nya nga esi?” Aholu, uye a di va embela, khuye: “Iso va nga nyi girelago, khiso neni nyi va giredego.”