Levhi 26:23 - Bhibhiliya Nya Guage

²³ Ambari khu guralo, mwa gumba vbindrugedzani mu wuya gwangu, mu simama gu nyi pfurarelani,

Levhi 26:23 Iomraidhean Croise

2 Samuweli 22:27

U ngu dzi yeyedza nu agide ga oyu a agidego aholu, ga uye nya guvivbe u ngu mu ninga tshatshazelo gukhedza khu wuvivbi waye.

Dzindzimo 18:26

U agide ga oyu a agidego aholu, ga oyu nya guvivbe u ngu nonedza wugengeli.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Levhi 26:21

Mwa gu hambanani ni eni, mu si vbweti gu nyi yingisa, nyi na mi reselani mitungu livbandre na dzimbili dzinyondro, gasi gu mi tsayisa khu sighoho sanu.