Levhi 26:17 - Bhibhiliya Nya Guage

¹⁷ Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:17 Iomraidhean Croise

Genesi 4:12

Ambari u lima kharini, mafu kha ma na gu ninga gambe gufuma mihandro khu tshivba yaye. U na penga u legalega ni litigo.”

1 Dzipfhumu 8:33

Vathu vago va na Israyeli, va gu padwa khu valala vawe, khu gu bani va gu ghohede, va vbindrugedza va wuya va ta rungudza Lina lago, va gu dzi laya va ta lombelela nyumbani momu,

2 Dzipfhumu 13:3

Khu guralo, likhulo la Pfhumu Nungungulu li di khondrela va na Israyeli, a va ningela mandzani ga Hazayeli, mufumeli wa Siriya ni mandzani ga Bheni-Hadhadhi, mwamana wa Hazayeli, matshiguni yale yatshavbo.

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

Dzindzimo 44:10

Wa gu hi diga hi tutuma mbeli ga valala vathu, valala vathu va gu hi phanga khu edzi va dzinago khidzo.

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 44:11

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na thendregedza khovbe yangu nyi mi pfhurarela, nyi mbembisa va na Judha vatshavbo.

Gililo 1:5

Vatshanisi vaye va mu pade, ni valala vaye va gu bhuma; khu Pfhumu Nungungulu a mu tsayisidego khu kotani nya sighoho saye si tadego. Ambari ni sanana saye si vbagedwe si yiswa wugumbini, si thanga mbeli ga mutshanisi. Vau

Gililo 2:4

Khwandride wulaho waye kha nga nala, a phara gighalala khu libogo la nyamudye a dwana gukhwatshi nala wathu a khungumula satshavbo si nga bani si hi nengedzisa; a guhula likhulo laye kha nga nilo wa tshatshani ga nyamahegyane wa Siyoni. He

Ezekiyeli 15:7

Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni Pfhumu Nungungulu, gikhati nyi na gu va wugelago.

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Josuwa 7:4

Khu guralo, gu di hongola iyoyo vama nya tengo nya magumararu mazana (3.000) avo va nga ya tutuma mbeli ga vama va Ayi.

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 3:14

Va na Israyeli va di thumela Egiloni, mufumeli wa Mowabhi, gipimo nya likhumi na livbandre na miraru myaga.

Valamuli 3:8

Khavbo avbo, Pfhumu Nungungulu a di gorogela va na Israyeli, a va ningela mandzani ga Khusani-Risatayimi, mufumeli wa Mesopotamiya, va na Israyeli, va di fumedwa khu Khusani-Risatayimi, livbandre na miraru myaga.

Valamuli 6:2

Vamedhiyani, va di tshanisa ngudzu va na Israyeli, khu guralo, avo va di thavela musigomoni vaya dzi girela mavbala, ni dziphago umo nya makhokhola.

1 Samuweli 12:15

Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.

1 Samuweli 31:1

Khavbo avbo, Vafilisitiya va di dwana ni va na Israyeli, vama va na Israyeli va di thava va tutuma mbeli ga Vafilisitiya, va di sasedwa mugigomoni gya Gilibhowa.

1 Samuweli 4:10

Khavbo avbo, va di phela litunga; va na Israyeli va di padwa, vatshavbo va di tutumela gu hongola magaya gwawe. Gusongetedwa gu diri gungi ngudzu, avbo gu nga songwago gipimo nya magumararu magumi mazana (30.000) vama va na Israyeli.