Levhi 26:15 - Bhibhiliya Nya Guage

¹⁵ mwa gu kanyisa sileletelo sangu, ni gumba girani milayo yangu, mu kala mu vboha avbo nyamba sayisa milayo yangu yatshavbo, mu pila gidzumeledzwano gyangu;

Levhi 26:15 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Dzindzimo 50:17

nari gu uwe u ngu nyenya sihevbudzo sangu, ni gu vengela magana yangu, gani?

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Ekisodha 24:7

A di dzega libhuku nya gidzumeledzwano a hevbula na gu pwidwa khu vathu, avo va hakha, khavo: “Satshavbo esi Pfhumu Nungungulu a ganedego, ethu hi na si gira ni gu si yingisa.”

Mavingu 1:30

mu di nyenya gu landrisa sileletelo sangu satshavbo, mu kanyisa gukawuka gwangu gwatshavbo.

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Mavingu 5:12

Gasi u ganela, khuwe: “Khu ginani nyi nga bomba gulaywa! Monyo wangu wu bomba gu kawukwa?

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 31:32

Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Ezekiyeli 16:59

Mune Pfhumu Nungungulu a ngu ganela kharati, khuye: “Nyi na gu tsayisa gukhedza khu mithumo yago u giridego; kholu u yeyiside gisambanyo gyangu, u funya gidzumeledzwano gyangu.

Levhi 26:11

Nyi na vbaha nyumba yangu nya guage vbakari gwanu, hefemulo wangu kha wu na hambana nanu.

Levhi 26:43

Va na diga Litigo li khala giwula, li mana guhefemula gwaye nya dzisabhadho; avo va mana hakhelo nya milandru yawe, kholu va hambanide ni sileletelo sangu, mihefemulo yawe yi nyenyide milayo yangu.

Levhi 26:9

Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

Malakiya 2:2

Mwa gumba nyi yingisani khu githawo, ni gumba khathala khu gu rungudza lina langu, nyi na resa givalo avbo gwanu, sikategiso sanu nyi na si vbindrugedza si khala givalo; givalo gegi gi tadzisegide, kholu, enu kha mu khathali khu silo sesi. A ngu ganela Pfhumu Nungungulu nya Tshivba Yatshavbo.

Mitengo 15:31

kholu kanyiside magana ya Pfhumu Nungungulu a ndreyisa sileletelo saye. Uye a na fuviswa; ni nandru waye wu na thegela vbatshani gwaye.”

Mithumo 13:41

Wonani, enu vayeyisi; liwugani mu mwalalega! Khaguva nyi na wusa matshiguni yanu thumo moyo nya gu, mwa sa khodwa, nari pwani mu diya khu gu embedwa.”

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

Vahebheru 8:9

Egi kha gi fanani ni gidzumeledzwano nyi nga hungago ni vababe vawe, litshigu nyi nga va phara khu mandza nyi va dusa tigoni ga Egipito. Avo kha va tumbega ga gidzumeledzwano nyi nga girago navo. Khu guralo, eni nyi di va nyenya, a ngu ganela Pfhumu.

1 Samuweli 12:15

Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.