Levhi 26:14 - Bhibhiliya Nya Guage

¹⁴ Aholu mwa gumba nyi yingisa, ni gumba landrisa milayo yeyi;

Levhi 26:14 Iomraidhean Croise

2 Dzipfhumu 22:13

“Indrani mu ya wudzisa khu eni ga Pfhumu Nungungulu, khu vathu vatshavbo, ni va na Judha, khu mahungu nya magana nya libhuku leli li tugudwego; kholu likhulo ya Pfhumu Nungungulu yi khondride ngudzu vbakari gwathu. Kholu vavelegi vathu, kha va yingisa gilo magana nya libhuku leli, ni gu gira satshavbo kha nga idzo si lovidwego khidzo.”

2 Dzikoronika 34:24

Pfhumu Nungungulu a ngu ganela, khuye: Wonani, nyi na rumela libango nya likhongolo wulanga wowu ni ga vathu va vbanyago avbo, malito yatshavbo nya givalo ma lovidwego Libhukuni momu hi hevbudego mbeli ga mufumeli wa Judha.

2 Dzikoronika 7:19

Aholu mwa gu ndreya, mu hambana ni milayo ni sileletelo esi nyi mi ningidego, mu ya thumela vambe vanungungulu ni gu va khozela,

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Mavingu 3:33

Pfhumu Nungungulu a gu vala dzindranga dza va nya guvivbedwa khu myonyo, aholu a kategisa dzindranga dza va nya gululama.

Jeremiya 11:8

Aholu avo kha va nga yingisa, ambari gu neredza ndzeve; muthu ni muthu a di gimbila khu ndzila nya gugodwe khu monyo waye nya guvivbe; khu guralo, nyi nga va girelago sitsayiso satshavbo si lovidwego umo nya gidzumeledzwano nyi va rumedego gu si landrisa; aholu avo kha va si landrisa.

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 28:8

Vaprofeti va vbindridego hwane gwangu ni uwe, va ganede ga mayigo nya gutale ni ga mifumo nya yikhongolo, va di ganela khu dzinyimbi, dzimhango, mitungu ni ndzala.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 40:2

Ndruna nya dzighadhi yi di rana Jeremiya, yi mu embela, khiyo: “Pfhumu Nungungulu wago, thangide a ganela khu libango leli li na gu dugelelago wulanga wowu.

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Hoseya 7:12

Avbo va na hongolago, nyi na ladza khoga yangu nyi va goga, va na thega nga sinyoni sa damboni. Nyi va tsayisa gu khedza khiso va si pwidego tshanganoni gwawe.

Levhi 26:18

Ambari khu satshavbo sesi mwa gumba nyi yingisani, nyi na simama gu mi tsayisa livbandre na dzimbili dzinyondro khu kotani nya sighoho sanu.

Malakiya 2:2

Mwa gumba nyi yingisani khu githawo, ni gumba khathala khu gu rungudza lina langu, nyi na resa givalo avbo gwanu, sikategiso sanu nyi na si vbindrugedza si khala givalo; givalo gegi gi tadzisegide, kholu, enu kha mu khathali khu silo sesi. A ngu ganela Pfhumu Nungungulu nya Tshivba Yatshavbo.

Mithumo 3:23

Uye a na gumba yingisa muprofeti yoyu a na fuviswa vbakari nya vathu va Nungungulu.’

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Josuwa 23:15

Kha nga olu magana yatshavbo ya Pfhumu Nungungulu ma dzudego avbo gwanu, satshavbo nya sadi esi Pfhumu Nungungulu a mu tumbisidego, kharato gambe Pfhumu Nungungulu a na tiyisa vbatshani gwanu tsayiso watshavbo a mu embedego kala a mi sasela ga litigo leli nya ladi Pfhumu Nungungulu wanu a mi ningidego.

Valamuli 2:15

Ni evbini va nga bani va dugela avbo, gyandza gya Pfhumu Nungungulu gi di va dwanisa, kha nga idzo a nga bani a va embede khidzo ni gu va sambanyela; tshanisa yawe yi diri yikhongolo.

1 Samuweli 12:15

Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.