Levhi 26:13 - Bhibhiliya Nya Guage

¹³ Eni kheni Pfhumu Nungungulu wanu, nyi mi dusidego khu tigoni ga Egipito, gasi mu si simami gu khala dzikhumbi dzawe; nyi kavilede makhetshe nya kanga wanu, gasi mu gimbila na mu ololokide henu tshwi.

Levhi 26:13 Iomraidhean Croise

Dzindzimo 116:16

Uwe Pfhumu Nungungulu, eni nyi githumi gyago, nyi gyanana gya githumi gyago nya nyamayi; uwe u kavilede dzitshinga nyi nga bani nyi hungidwe khidzo.

Ekisodha 14:8

Kholu Pfhumu Nungungulu a di bangisa monyo wa Faro, mufumeli wa Egipito, afela gu landra sanana sa Israyeli si nga bani si gimbila khu gutshudwa khu gyandza nya tshivba.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Isaya 9:3

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 28:2

“Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Nyi fanyide kanga wa mufumeli wa Bhabhiloni.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Ezekiyeli 30:18

Tigoni ga Tafinisi, gu na manega gidema vbakari nya mihani, gikhati nyi na fanyeledzelago mikanga ya Egipito, nyi vbedza matshandza nya tshivba yaye; sanana saye nya vanyamahegyane, si na fenengedzwa khu lipfhi si yiswa wugumbini.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Hoseya 11:4

Nyi va gimbidziside khu dzingodzi nya wuhindzi ni monyo nya lihaladzo, nyi khade avbo gwawe kha nga uye a va dusago kanga dzithamoni gwawe, nyi dzi nogisa gasi nyi va ninga guhodza.

Levhi 25:38

Eni kheni Pfhumu Nungungulu wanu nyi nga mi dusago khu tigoni ga Egipito, gasi guta mi ningani litigo la Khanani, nyi fela gu khala Nungungulu wanu.

Levhi 25:42

Kholu sithumi sangu nyi nga si dusago khu tigoni ga Egipito, kha va yeli gu rengiswa kha nga dzikhumbi.

Levhi 25:55

“Kholu va na Israyeli va gu lumba Eni basi, sithumi sangu nyi si dusidego khu tigoni ga Egipito. Eni kheni Pfhumu Nungungulu wanu.”

Nahume 1:13

Gasi olu, nyi na fanya kanga u wu rwadego magatani gwago nyi kavilela ni dzitshinga dzi gu hungidego.