Levhi 26:1 - Bhibhiliya Nya Guage

¹ “Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Levhi 26:1 Iomraidhean Croise

2 Dzipfhumu 17:10

Va di emisa sifananiso ni sithombe sa Asitaroti, malangani yatshavbo nya gukhugege ni vbavbatshi nya misimbo yatshavbo yi thelago mahagane nya gunyuge.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 17:8

Va landrisela mavbanyelo ya mayigo yale Pfhumu Nungungulu a ma ndreyisidego mbeli ga sanana sa Israyeli ni mikhuwo yi nga girwago khu vafumeli va Israyeli.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Dzindzimo 97:7

Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 23:24

U nga khidzimi u khozela vanungungulu wawe, u nga pimedzeli gu gira kha nga idzo va girago avo. Aholu uwe u na va songa vatshavbo, u pandrelela sifananiso sawe satshavbo.

Ekisodha 34:17

U nga dzi gireli vanungungulu nya gupfhudwe khu sikete.

Isaya 2:20

Khu litshigu lolo, vathu va na dzudzugela ga magondzo ni makoha sifananiso nya vanungungulu nya parata ni ndralama, iso va nga si girago gasi gu si khozela.

Levhi 19:4

Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu.

Levhi 25:55

“Kholu va na Israyeli va gu lumba Eni basi, sithumi sangu nyi si dusidego khu tigoni ga Egipito. Eni kheni Pfhumu Nungungulu wanu.”

Levhi 7:33

Muphasi nya mhamba a gu moyo nya sanana sa Aroni a na bikelago novba ni mafura nya phaso nya pwanano, khuye a na hakhago litundru la nyamudye.

Mitengo 33:52

gu vbwetega mu tutumisa mbeli gwanu vavbahi vatshavbo va tigoni momo, mu phalalegisela sifananiso satshavbo nya vanungungulu vawe nya gugirwe khu simbi mu khungumulela malanga yawe yatshavbo nya gukhugege.

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Dhewuteronome 5:6

Eni kheni Pfhumu Nungungulu wago, a gu dusidego khu tigoni ga Egipito, nyumbani nya wugumbi.

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.

Valamuli 18:30

Va na Dhani va di dzi emisela gifananiso gile nya guvatwe. Jonatane, mwamana wa Gerisoni, tugulu wa Manasi, gumogo ni sanana saye, va di khala vaphasi nya mhamba nya lihundzu la na Dhani, kala litshigu va nga modwa va vbagedwa va yiswa wugumbitunu.