Levhi 24:9 - Bhibhiliya Nya Guage

⁹ Guhodza gogu gu na lumba Aroni ni sanana saye; va na gu hodza wulangani nya guage, kholu khigyo gipandre nya guage ngudzu, gi kasedwago avo, avba nya miningelo yi vbisedwago Pfhumu Nungungulu. Oyu nayo wu tiyisidwego kala gupindruga.

Levhi 24:9 Iomraidhean Croise

Ekisodha 27:21

Aroni ni sanana saye va na sayisa wenengedzo wowu umo nya Tshatsha nya Tshangano khu vbavbandze nya mwendra wu na bhiyago makhuvini nya gidzumeledzwano. Dzikandriya dzi na wenengedza mbeli ga Pfhumu Nungungulu, gukhugela gupfola nya lidambo kala gugya. Nayo yoyu, wu fanede gu sayiswa khu sanana sa Israyeli ni situgulwana sawe gikhati gyatshavbo kala gupindruga.”

Levhi 10:12

Mosi a di embela Aroni ni sanana si nga mu tshalelago, Eliyazari ni Itamari, khuye: “Dzegani guhodza nya miphaso gu tshadego avbo nya miningelo yi vbisedwego Pfhumu Nungungulu, mu hodza nyamba thedwa mela; mu hodza vbafuvbi ni giluvelo kholu gilo gi agidego ngudzu.

Levhi 10:17

“Khu ginani mu ngamba hodzani, Wulangani nya Guage, miphaso nya ditshedzo a gu gilo gi agidego ngudzu? Pfhumu Nungungulu a mi ningide esi gasi mufela gu rwala sihoso nya tshangano, ni gu handza sighoho sawe mbeli ga Pfhumu Nungungulu.”

Levhi 21:22

A na hodza guhodza nya miphaso gwa Nungungulu waye, nya miningelo nya guage ngudzu ni eyi nya guage.

Levhi 24:10

Wughoveloni gi di romo gyanana gimwegyo nya guvelegwe khu nyamayi moyo nya Muisrayeli, babe waye nya Mugipiti a nga bani a gu vbanya vbakari nya sanana sa Israyeli. Tshigu mwedo, gyanana gegi gya nyamayi nya Muisrayeli gi di ganedzisana ni mwama moyo wa na Israyeli.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Levhi 6:11

Khavbo avbo, a na tshula dzingandzu, a gu ambala dzimbe, gasi gu rwala nguma a duga nawo vbavbandze nya lizumbo, aya wu vbaladza wulangani wu agidego.

Levhi 6:16

Esi si tshalago vbamiphasotunu sa gu lumba gu hodzwa khu Aroni ni sanana saye; va na hodza kha nga gibaba nyambana mela, vari wulangani wu agidego, likupakupani nya Tshatsha nya Tshangano.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Levhi 8:3

Ramba tshangano watshavbo wu tombana nyangwatunu nya Tshatsha nya Tshangano.”

Levhi 8:31

Mosi a di va embela, khuye: “Indrani mu ya phula nyama nyangwatunu nya Tshatsha nya Tshangano; mu na yi hodzela kamwe iyoyo gumogo ni sibaba si guromo gitundruni nya miningelo nya guwumbele, kha nga idzo nyi rumidego khidzo, avbo nyi nga kheni: Aroni ni sanana saye khavo va yelago gu hodza nyama yeyi.”

Malakiya 1:12

Aholu enu mwa gu nyenyezisa giluvelo gyangu avbo mu ganelago, khenu: Meza ya Pfhumu Nungungulu gilo nyamba phasa gilo, silo mu phaselago khiso, guhodza nya gunyenyeze.

Matewu 12:4

Idzo a nga belago khidzo Nyumbani ga Nungungulu, aya hodza sibaba nya miphaso, si nga bani si si faneli gu hodzwa khuye, ni avo a nga bani ari navo, aholu si nga na si gu fanela gu hodzwa basi khu vaphasi nya mhamba, gani?

Marko 2:26

Idzo a bedego khidzo Nyumbani ga Nungungulu gikhati gya Abhiyatari, khongolo nya vaphasi nya mhamba, aya hodza sibaba nya miphaso; a ninga navo ava a nga bani ari navo, sibaba si nga bani si gu lumba gu hodzwa basi khu vaphasi nya mhamba.”

Luka 6:4

Idzo a nga belago khidzo Nyumbani ga Nungungulu, aya dzega sibaba nya miphaso a hodza, a ninga ni ava a nga bani ari navo, sibaba si nga bani si gu lumba gu hodzwa basi khu vaphasi nya mhamba, gani?”

1 Samuweli 21:6

Khavbo avbo, muphasi nya mhamba a di mu ninga sibaba nya gukategiswe, kholu si diri mwalo vbale simbe, vbavbandze nya sibaba nya miningelo, si nga bani si dusidwe mbeli ga Pfhumu Nungungulu, gasi gu tshikedzwa khu gibaba nya guvbise, ga litshigu lolo si duswago.