Levhi 24:5 - Bhibhiliya Nya Guage

⁵ U na dzega gambe wuguvbi nya gudadatwe u phula khuwo likhumi na sivili sibaba, gibaba ni gibaba gi na dzega mipimo mivili nya gipandre nya likhumi nya efa.

Levhi 24:5 Iomraidhean Croise

1 Dzipfhumu 18:31

Khu hwane a di dzega likhumi na sivili siwindri, mayelano ni tengo nya sanana sa Jakobe, a nga embedwago khu Pfhumu Nungungulu, khuye: “U na ranwa pwani khuwe Israyeli.”

1 Dzikoronika 23:29

gu sayisa sibaba nya miphaselo, wuguvbi nya miningelo nya guhodze, sibaba nyambana mela, ni iso nya gugadzingwe niso nya guvawudwe, ni iso si patidwego ni mafura, ni satshavbo si pimwago khu mipimo yi vegidwego.

1 Dzikoronika 9:32

Vambe vandriyaye nya sanana sa Khowati, va di ningwa thumo nya gudongisele sibaba nya miphaso si yelago gu thumiswa khu Sabhadho nya sumana ni sumana.

2 Dzikoronika 13:11

Litshigu ni litshigu, vbadzimindrutunu ni silambosile, va gu ningela dzimhamba nya guvbiswe, ni guvbisa libani nya gunungele; va gu vega sibaba nya miphaselo vbamezatunu nya miphaso; va khondrisa dzikandriya nya ndralama vbamezatunu gakone matshigu yatshavbo vbasilambotunu. Kholu ethu hi ngu landrisa Nayo wa Pfhumu Nungungulu, oyu enu mu mu digidego.

Nehemiya 10:33

Hi dzi vegede gambe nayo nya gukhethu, khu mwaga ni mwaga, muthu ni muthu a ngu yela gu dusa gipandre nya wuraru nya sikulu, gasi gu gimbidzisa gwadi thumo wa Nyumbani ga Nungungulu wathu,

Nehemiya 10:34

ni gu hengo wowu wu na phasa gu renga sibaba nya guage, miningelo nya dzimbewu nya litshigu ni litshigu, miningelo nya guvbiswe nya litshigu ni litshigu, miningelo nya mhamba nya Sabhadho, nya Gumege nya Ngima ni mimbe mikhuwo, nya silo si agidego, nya miphaselo nya gu divaledwe sighoho sa na Israyeli, ni ga thumo watshavbo wa Nyumbani ga Nungungulu wathu.

Ekisodha 25:30

Vbatshani nya meza yeyi u na vega sibaba nya miningelo nya miphaso, si khala avbo gikhati gyatshavbo si wonega mahoni gwangu.

Ekisodha 39:36

Meza ni sombo saye satshavbo ni sibaba nya miphaso;

Ekisodha 40:23

A gu sasamedzela sibaba vbamezatunu, mbeli ga Pfhumu Nungungulu, gulandra khu ndzila yakone edzi a rumidwego khidzo Mosi khu Pfhumu Nungungulu.

Ekisodha 40:4

U na bedza meza u dongisela sombo saye satshavbo khu edzi gu vbwetegago khidzo; u na bedza gidzigaredzo nya dzikandriya, u khondrisa dzikandriya dzaye.

Mitengo 4:7

Va na ladza mwendra nya livala la damboni vbatshani nya meza nya sibaba, va vega dzimbiya ni mikho, simbiyana nya libani ni mikanvu nya miningelo nya wadwa: Sibaba si na simama si na romo vbatshani nya mwendra yoyo gikhati gyatshavbo.

Matewu 12:4

Idzo a nga belago khidzo Nyumbani ga Nungungulu, aya hodza sibaba nya miphaso, si nga bani si si faneli gu hodzwa khuye, ni avo a nga bani ari navo, aholu si nga na si gu fanela gu hodzwa basi khu vaphasi nya mhamba, gani?

Mithumo 26:7

Mahundzu yatshavbo nya likhumi na mavili ya na Israyeli, momo vbakari nya guvirele gu wona gu tadzisega nya gitumbiso gyogyo. Khu kotani nya egi gitumbiso va ngu khozela Nungungulu wutshigu ni mihani nyamba rereka. Khigyo gitumbo gegi, amanawe mufumeli Agiripa, gi vangelago ketso yatshavbo nyi giredwago khu Vajudha.

Vahebheru 9:2

Va di vbahide nyumba nya miphaso yi nga kabaniswa khu sipandre sivili. Makhuvini nya guhegule gu di ranwa gupwani “Wulanga nya Guage.” Gu di vegwa umo kandriya nya ndralama ni meza nya sibaba nya guphasedwe Nungungulu.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.

1 Samuweli 21:6

Khavbo avbo, muphasi nya mhamba a di mu ninga sibaba nya gukategiswe, kholu si diri mwalo vbale simbe, vbavbandze nya sibaba nya miningelo, si nga bani si dusidwe mbeli ga Pfhumu Nungungulu, gasi gu tshikedzwa khu gibaba nya guvbise, ga litshigu lolo si duswago.

1 Samuweli 21:7

Moyo nya sithumi sa Sawule a di romo vbale ga litshigu lile, na gu landrisa siguruvedzo saye mbeli ga Pfhumu Nungungulu; a diri uye Dhowegi, Muedhomi, muthangeli nya vahavisi va Sawule.