Levhi 24:16 - Bhibhiliya Nya Guage

¹⁶ Oyu a valago lina la Pfhumu Nungungulu a na songwa, tshangano watshavbo wu na mu pfara khu siwindri, vathu vatshavbo, gani muwuyi, gani givelegwa gya Israyeli, oyu a valago Lina la Pfhumu Nungungulu fanede gu songwa.”

Levhi 24:16 Iomraidhean Croise

2 Samuweli 6:2

Khavbo avbo, Dhavhidhe, a di khuga ni vathu vaye vatshavbo a hongola Bhahala gwa Judha, gasi gu ya dzega Ngasa ya Nungungulu yi ranwago khu lina la Pfhumu Nungungulu nya dzinyimbi, a khadego vbatshani nya dzikerubhimi.

Dzindzimo 139:20

Avo va gu ganela guvivba khu uwe, valala vago va gu ganela malipha khu lina lago.

Dzindzimo 74:10

Ama Nungungulu, valala vathu va na hi poyila kala lini? Ina avo va na simama gu vala lina lago gikhati gyatshavbo, gani?

Dzindzimo 74:18

Pfhumu Nungungulu, dziti gukhuwe valala vago va ngu gu vala, vathu nya sipumbu va ngu ganela guvivba khu lina lago.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Levhi 20:2

“U na embela gambe sanana sa Israyeli, khuwe: Gani khu wevbi nya livelego la Israyeli, mwendro muluveli a luvelago tigoni ga Israyeli, a na ningelago gyanana gyaye a gira phaso nya mhamba ga Moloki, fanede gu songwa. A na pfarwa khu siwindri khu vathu va tigoni gwawe.

Matewu 12:31

Khu kharato, nyi ngu mi embelani, kheni: Muthu watshavbo a ngu dzi kodza gu tsetseledwa sighoho ni guvivba gwatshavbo a gu ganelago. Aholu uye a hembululago Liphuvbo nya Guage gima kha na tsetseledwa.

Matewu 26:66

Mwari khenu ginani?” Avo va di khavo: “A ngu yela gu songwa.”

Marko 14:64

Kha mwa gipwa givalo nugu-nugu olu? Mwari khenu ginani?” Vatshavbo va di khavo: “A na songwe!”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Mithumo 26:11

Dzinyondro dzingi, eni nyi di bela dzinyumbani nya nombelo nyi va ninga sisaniso nya sikhongolo, khu gufela gukheni va dange gukhodwa gwawe. Khu kotani nya likhulo nyi nga bani nyiri nalo gwawe, nyi di va tutumisela kala ni madhoropani ya mayigoni ya vbavbandze.

Mithumo 7:58

va mu ndrindrela vbavbandze nya lidhoropa, va mu pfara khu siwindri. Dzifakazi dzi di vegide myendra yawe migondroni ya moyo nya lidzaha nya gupwani khu Sawule.

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

Jakobe 2:7

Ina khandriso sitetema si ganelago guvivba khu lina nya ladi, eli a mi ningidego, gani?