Levhi 24:14 - Bhibhiliya Nya Guage

¹⁴ “Dusa muhembululi vbavbandze nya wughovelo: Vatshavbo vale va mupwidego na gu vala, va na handzega mandza hungoni gwaye, tshangano watshavbo wu na mu pfare khu siwindri.

Levhi 24:14 Iomraidhean Croise

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

Levhi 13:46

Matshigu yatshavbo a na vbanyago nari ni madwali yoyo nya sokono a na dzipwe na nyenyezide, a na vbanya phuvbo, nyumba yaye yi na manega vbavbandze nya lizumbo.”

Levhi 20:2

“U na embela gambe sanana sa Israyeli, khuwe: Gani khu wevbi nya livelego la Israyeli, mwendro muluveli a luvelago tigoni ga Israyeli, a na ningelago gyanana gyaye a gira phaso nya mhamba ga Moloki, fanede gu songwa. A na pfarwa khu siwindri khu vathu va tigoni gwawe.

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Levhi 24:13

Pfhumu Nungungulu a di ganela ga Mosi, khuye:

Johane 8:59

Khavbo avbo, va di rola siwindri gasi gu mu rinyela, aholu Jesu a di sihala, a gu duga Nyumbani ya Nungungulu.

Dhewuteronome 17:5

u na dzega mwama yoyo mwendro nyamayi yoyo a giridego guvivba gogo, u hongola naye nyangwatunu gwago u ya mu pfara khu siwindri kala afa.

Dhewuteronome 17:7

Mandza nya dzifakazi ma na phela khayo gu mu veta, gasi gu mu songa; gu landrela mandza ya vathu vatshavbo; kharati, u na vbedza guvivba vbakari gwago.

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

Dhewuteronome 22:21

va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.

Josuwa 7:25

Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni.