Levhi 24:11 - Bhibhiliya Nya Guage

¹¹ Gyanana gya nyamayi nya Muisrayeli gi di hembulula gi vala Lina la Pfhumu Nungungulu; khavbo avbo, va di gi dzega va gi yisa ga Mosi. Mayi wakone a di ranwa pwani khu Selomiti, gyanana gya Dhebhiri, nya lihundzu la Dhani.

Levhi 24:11 Iomraidhean Croise

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

1 Dzipfhumu 21:13

Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

2 Dzipfhumu 18:30

ambari gu mi sengani khuye tumbaniPfhumu Nungungulu, ni gukhuye khu lisine Pfhumu Nungungulu a na hi vbulugisa, ni lidhoropa leli kha la na ningedwa mandzani ga Asiriya.

2 Dzipfhumu 18:35

Khu vamani avo vbakari ga vanungungulu vatshavbo va mafuni, va tshudzisidego litigo lawe mandzani gwangu, gasi Pfhumu Nungungulu a tshudzisa Jerusalema mandzani gwangu, na?

2 Dzipfhumu 18:37

Khavbo avbo, Eliyakimi, mwamana wa Hilikiya, ndruna ya ndrangani ga mufumeli, ni mulovi Sebhina, ni Jowa, mwamana wa Asafi, musayisi nya mabhuku nya matimo, va dita ga Ezekhiya, na va pferude dzingandzu dzawe, vata mu embeledzela magana ya Rabhisaki.

2 Dzipfhumu 19:10

“Mu naya ganela kharati ga Ezekhiya, mufumeli wa Judha, khenu: U nga pfhadzwi khu Nungungulu wago u mu tumbago, khuwe Jerusalema kha gu na ningedwa mandzani ga mufumeli wa Asiriya.

2 Dzipfhumu 19:22

Khu mani u mu vadego ni gu mu tsorodzela? Khu mani u mu khusedzedego lito? Khu mani u mu ronogedego? U vbweta gu dwana ni uye a Agidego wa Israyeli.

2 Dzipfhumu 19:6

khavbo avbo, Isaya a di va embela, khuye: “Mu naya embela mune wanu, khenu: Pfhumu Nungungulu a ngu ganela, kharati: U nga thavi khu kotani nya magana yoyo u ma pwidego, ayo nyi nga vadwa khayo khu sithumi sa mufumeli wa Asiriya.

Joba 1:11

Aholu, wa gu khusedza libogo lago u kuha iso a gu naso, wona gwadi nya gukhuwe a na gu vala nu gu mu wona.”

Joba 1:22

Khu satshavbo sesi Joba kha gira ni gighoho gimwegyo, gambe kha singedza gilo Nungungulu.

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Joba 2:5

Nga thawuludza gyandza gyago, u kuha marambo ni nyama yaye, u na wona idzo a na gu gu vala khidzo, nu gu mu wona.”

Dzindzimo 74:18

Pfhumu Nungungulu, dziti gukhuwe valala vago va ngu gu vala, vathu nya sipumbu va ngu ganela guvivba khu lina lago.

Dzindzimo 74:22

Wuga, uwe Nungungulu, u dwanela fanelo yago, dundruga idzo gipumbu gi gu valago khidzo gikhati gyatshavbo!

Ekisodha 18:22

Avo va na lamula vathu vava gikhati gyatshavbo. Mahungu yale nya makhongolo, va na ma tisa avbo gwago, aholu aya mambe yatshavbo nya madugwana va na ma vbedza avo, kharati u na vbungula rwalo wago, avo va na hengela nago gu wu rwala.

Ekisodha 18:26

Avo va di lamula vathu gikhati gyatshavbo; mahungu nya gugaradze va di ma yisa ga Mosi, aholu aya mambe mahungu yatshavbo nya guvbevbuge va di ma vbedza avo.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Isaya 8:21

Vathu va na legalegiswa ni litigo na va gu tshaniswa ni gupwa ndzala; gikhati va na rerekago khu ndzala, va na vala mufumeli ni Nungungulu wawe, na va gu khedza vbatshani.

Levhi 24:10

Wughoveloni gi di romo gyanana gimwegyo nya guvelegwe khu nyamayi moyo nya Muisrayeli, babe waye nya Mugipiti a nga bani a gu vbanya vbakari nya sanana sa Israyeli. Tshigu mwedo, gyanana gegi gya nyamayi nya Muisrayeli gi di ganedzisana ni mwama moyo wa na Israyeli.

Matewu 26:65

Khavbo avbo, Muphasi nya Khongolo a di pferula dzingandzu dzaye, na gukhuye: “Hembulude Nungungulu! Wufakazi muni hi wu vbwetago gambe? Mu ngari gu mupwa ni guhembulula Nungungulu.

Varoma 2:24

Khidzo kharati, Milowo nya Guage, yi gu, khiyo: “Lina la Nungungulu li ngu vadwa vbakari nya va nya mayigo khu kotani yanu.”

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

Gutuledwa 16:11

Va di vala Nungungulu wa Ndzadzini, khu kotani nya gutshaniseke gwawe khu silondra. Aholu kha va dzi kodza gu vbindrugedza va diga mithumo yawe nya guvivbe.

Gutuledwa 16:21

Khavbo avbo, khu ndzadzini gu di thega maralala kha nga siwindri nya gulemele pimo nya taleta mweyo. Vathu va di vala Nungungulu khu kotani nya gitsayiso nya maralala kholu gi diri gikhongolo ngudzu.