Levhi 23:3 - Bhibhiliya Nya Guage

³ Mu na thuma livbandre na limwedo matshigu, aholu eli nya livbandre na mavili, litshigu nya Sabhadho nya guhefemule, nya tshangano nya guage. Mu nga thumi thumo khu litshigu lolo. Litshigu nya Sabhadho nya gurungudze Pfhumu Nungungulu, malangani gwatshavbo mu vbanyago umo.

Levhi 23:3 Iomraidhean Croise

Ekisodha 16:23

Uye a di va embela, khuye: “Eyi khu milayo a nyi ningidego Pfhumu Nungungulu. Mindru litshigu nya guhefemule. Sabhadho nya guage ya Pfhumu Nungungulu, esi mu vbwetago gu phula, phulani muhuno; ni esi mu vbwetago gu gadzinga, gadzingani muhuno, satshavbo esi si tshalago si sayiseni kala mindru.”

Ekisodha 16:29

Wonani nya gukhenu Pfhumu Nungungulu a mi ningide Sabhadho, khu kotani nya ugo, a ngu mi ningani khu litshigu nya livbandre na limwedo, guhodza gu ninganago matshigu mavili. Khu litshigu nya livbandre na mavili, muthu ni muthu a na khale wulanga waye, mwalo a dzumedziswago gukhuga wulanga waye, litshigu lolo nya livbandre na mavili.”

Ekisodha 16:30

Vathu va di hefemula khu litshigu nya livbandre na mavili.

Ekisodha 23:12

Umo nya livbandre na limwedo matshigu u na thuma mithumo yago, aholu khu litshigu nya livbandre na mavili u na diga gu thuma, u hefemula; gu na hefemula mombe yago, buru yago, gyanana gya khumbi yago ni muluveli a vbanyago tigoni gwanu va na hefemula navo.

Ekisodha 34:21

U na thuma livbandre na limwedo matshigu, aholu u na hefemula khu eli nya livbandre na mavili, ambari nari nango nya gilimo mwendro nya guvbwere.

Isaya 56:2

Kategide wule a landrisago milayo yeyi, ni muthu wule a tiyago ga iyo, a dzi vegedza gumba nyenyezisa Sabhadho, a si giri guvivba khu mandza yaye.”

Isaya 56:6

Ni valuveli va dugelago ga mambe mayigo, va guta dzi ningela ga Pfhumu Nungungulu, gasi gu mu thumela ni gu gola lina la Pfhumu Nungungulu, ni gu khala sithumi saye, ni vatshavbo va vegedzago litshigu nya Sabhadho, va si li nyenyezisi, va landrisa gidzumeledzwano gyangu,

Isaya 58:13

Wa gu dzi vegisa u si nyenyezisi Sabhadho, u si thumi iso si godwago khu monyo wago khu litshigu langu nya guage, litshigu nya Sabhadho u li rana nari litshigu nya gutsake li phasedwego Pfhumu Nungungulu, li yelago gu zundzwa; wa gu li rungudza u si yi umo u gu golago, u si vbweti gu gira iso uwe u si golago, ambari gu ganela silo nya guvivbe,

Levhi 19:3

Moyo ni moyo nya enu a na ninge githawo mayi waye, ni babe waye, mu vegedza matshigu nya Sabhadho yanu. Eni kheni Pfhumu Nungungulu wanu.

Luka 13:14

Aholu muthangeli nya nyumba nya nombelo, na wonide khuye Jesu hawulugiside muthu khu Sabhadho, a di goroga, a gu embela gidzemo, khuye: “Mu na ni livbandre na limwedo matshigu vbakari nya semana gasi gu girani mithumo yanu. Deluni khu matshigu yoyo gasi guta hawulugiswani, nasiri khu Sabhadho.”

Luka 23:56

Na va wide gaya, va dita dongisela mafura. Khu Sabhadho va di hefemula, kha nga guruma nya Nayo.

Mithumo 15:21

Kholu, gukhugela matshiguni ya gale, Mosi na ni vahevbudzi nya Nayo va wu hevbulago mudzinyumbani nya nombelo khu dzisabhadho dzatshavbo.”

Gutuledwa 1:10

Khu litshigu la Pfhumu nyi di tshigedwa khu liphuvbo, nyipwa hwane gwangu lito nya likhongolo nya nga pundru,