Levhi 23:21 - Bhibhiliya Nya Guage

²¹ Litshigu lolo furi, mu na ramba tshangano nya guage, kha mu na thuma thumo nya gulemele, oyu khu nayo wu vegedwago situgulwana sanu satshavbo ni evbini mu na gu bani mu vbanya umo.

Levhi 23:21 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Ekisodha 27:21

Aroni ni sanana saye va na sayisa wenengedzo wowu umo nya Tshatsha nya Tshangano khu vbavbandze nya mwendra wu na bhiyago makhuvini nya gidzumeledzwano. Dzikandriya dzi na wenengedza mbeli ga Pfhumu Nungungulu, gukhugela gupfola nya lidambo kala gugya. Nayo yoyu, wu fanede gu sayiswa khu sanana sa Israyeli ni situgulwana sawe gikhati gyatshavbo kala gupindruga.”

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Levhi 23:14

Mu nga hodzi sibaba mwendro sivbila nya guvawudwe, mwendro esi si si gu vidzwigo, kala gu vboha litshigu lolo mu na gu vbelegedzago khilo miningelo ga Nungungulu wanu; oyu nayo nya gupindruge ga situgulwana sanu ni wevbini wulanga mu na vbanyago umo.”

Levhi 23:2

“Ganela ga sanana sa Israyeli u si embela, khuwe: Mibuzo ya Pfhumu Nungungulu eyi mu yelago gu ramba tshangano nya guage, kheyi:

Levhi 23:20

Muphasi nya mhamba a na si ndziwitela gumogo ni sibaba nya dzimbewu nya guphele mbeli ga Pfhumu Nungungulu, khu ningelo nya gu ndziwitele, a gira gambe kharato khu sinvutana sa sivili si phasedwa Pfhumu Nungungulu, si lumba muphasi nya mhamba.

Levhi 23:25

Mu nga thumi thumo nya gulemele, mu na ningelani phaso nya guvbiswe ga Pfhumu Nungungulu.”

Levhi 23:31

Khu guralo, mu nga thumi gilo, oyu nayo nya gupindruge ga situgulwana sanu ni wevbini wulanga mu na vbanyago umo.

Levhi 23:4

Eyi khu mibuzo ya Pfhumu Nungungulu, mitshangano nya guage mu na gu yi rambago khu gikhati gyakone.

Levhi 23:7

Khu litshigu nya guhegule, mu na gira tshangano nya guage, mu nga thumi thumo nya gulemele.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Mitengo 18:23

Va na Levhi, khavo va na girago thumo wa ndrani nya Tshatsha nya Tshangano, avo khavo va na gu rwalago nandru wawe; owu wu na bani wuri nayo ni ga situgulwana sanu kala gupindruga; gasi avo kha va na mana thomba vbakari ga va na Israyeli.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.