Levhi 23:2 - Bhibhiliya Nya Guage

² “Ganela ga sanana sa Israyeli u si embela, khuwe: Mibuzo ya Pfhumu Nungungulu eyi mu yelago gu ramba tshangano nya guage, kheyi:

Levhi 23:2 Iomraidhean Croise

2 Dzipfhumu 10:20

Jewu a di engedza gambe, khuye: “Rambani tshangano nya khongolo nya guage wa Bhahali.” Avo va di wu ramba.

1 Dzikoronika 23:31

Va diri ni fanelo nya guningele miphaselo nya guvbiswe ga Pfhumu Nungungulu, khu dzisabhadho ni gumegani nya ngima, ni mitshangano yi tadego, kha nga giolovedzo gyawe, gasi va simama gu manega mbeli ga Pfhumu Nungungulu.

2 Dzikoronika 2:3

Solomoni a di rumela mwango ga Hiramo, mufumeli wa Tiro, khuye: “Kha nga iso u nga girelago babe wangu Dhavhidhe, u nga mu rumelago misimbo nya sedhari gasi gu, a vbaha khiyo nyumba nya gukhale umo, gira gambe avbo gwangu.

2 Dzikoronika 30:5

Va di leletisa gukhavo gu tiviswe tigoni gwatshavbo gwa Israyeli, gukhugela Bherisebha, kala tigoni ga Dhani, gasi vate Jerusalema vata gira buzo nya Phasika ya Pfhumu Nungungulu wa Israyeli, kholu kha nga idzo gu lovidwego khidzo, nya vangi va di bani na va si gu wu giri kha nga idzo gu nga bani gu lovidwe khidzo.

Ezira 3:5

Khu hwane nya esi, va di ningela gambe ningelo nya guvbiswe nya litshigu ni litshigu iyo nya Gumege nya Ngima, ni iyo nya mibuzo yatshavbo nya guphasele Pfhumu Nungungulu; gumogo gambe ni wevbini a nga bani a ningela khu gudzina gwaye ga Pfhumu Nungungulu khu matsenya.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Ekisodha 32:5

Na wone esi, Aroni a di gira giluvelo mbeli nya githombe, a gu khusedza lito a ganela khu tshivba, khuye: “Mindru hi na gira buzo nya gurungudze Pfhumu Nungungulu.”

Isaya 33:20

Wonani Siyoni, lidhoropa hi girelago umo mibuzo yathu; maho yago ma na wona Jerusalema, wulanga nya gutenge, tshatsha wu na gumba sigudwa, madingo yaye gima kha ma na nga sigudwa, ambari ni dzingodzi dzaye gima kha dzi na kaviga.

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Ezekiyeli 44:24

Gikhati gu manegago guganedzisana, avo va na khala kha nga valamuli; va na lamula gukhedza khu gululama gwangu; avo va na landrisa milayo ni sileletelo sangu mayelano khu mibuzo yangu yatshavbo ni gu agisa dzisabhadho dzangu.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Joyele 2:15

Wombani pundru Siyoni, vegani litshigu nya guhale nya gu dzi agise, mu huwelela litshigu nya gulolele.

Levhi 23:1

Pfhumu Nungungulu a di ganela ga Mosi a mu embela, khuye:

Levhi 23:21

Litshigu lolo furi, mu na ramba tshangano nya guage, kha mu na thuma thumo nya gulemele, oyu khu nayo wu vegedwago situgulwana sanu satshavbo ni evbini mu na gu bani mu vbanya umo.

Levhi 23:37

Eyi khiyo mibuzo nya gurungudze Pfhumu Nungungulu, mu na rambago mitshangano nya guage, mu gira ningelo nya guvbiswe ga Pfhumu Nungungulu; phaso nya guvbiswe, ni ningelo nya guhodze, miphaso ni miningelo nya mawadwa, gukhedza khu milayo nya litshigu ni litshigu;

Levhi 23:4

Eyi khu mibuzo ya Pfhumu Nungungulu, mitshangano nya guage mu na gu yi rambago khu gikhati gyakone.

Levhi 23:44

Khidzo kharati, Mosi a nga tshamuselago khidzo sanana sa Israyeli mibuzo nya gu rungudzwe Pfhumu Nungungulu.

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.

Mitengo 10:10

Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mitengo 29:39

Silo sesi khiso mu na si ningelago ga Pfhumu Nungungulu, ga matshigu nya mibuzo mu ma vegisedego, vbavbandze nya sisambanyo sanu ni miningelo yanu nya guningele khu gugola gwanu, nya guvbiswe, nya guhodza, nya wadwa niyo nya gurule.

Johane 5:1

Hwane nya isoso, wu diromo mumbe buzo nya Vajudha, Jesu a di gwela nuye Jerusalema.

Vakolosi 2:1

Kholu nya gu vbweta muti litunga nya likhongolo nyi li dwanago khu kotani yanu, khu kotani ya va Lawodhikeya, ni vambe va si nyitigo khovbe ni khovbe.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.