Levhi 23:16 - Bhibhiliya Nya Guage

¹⁶ Mu na saya livbandre magumi matshigu kala gu vboha litshigu li handzamedzago Sabhadho nya livbandre na dzimbili, mu ningela gambe ga Pfhumu Nungungulu yimbe miningelo nya dzimbewu nya dziphya.

Levhi 23:16 Iomraidhean Croise

2 Dzikoronika 31:7

Khu ngima nya wuraru va di phela gu wungedzela siwungela nya guphele; va vbedzisa khu ngima nya livbandre na wuvili.

Levhi 23:17

Mu na resani khumo mu vbanyago umo, sibaba sivili nya gugirwe khu sipimo sivili nya gipandre nya efa nya wuguvbi nya gudadatwe, nya guphudwe ni mela, muta gira nayo nya bikelo khu ningelo nya gundziwitedwe; khiyo eyi mihandro nya guphele yi lumbago Pfhumu Nungungulu.

Mitengo 28:26

Mu na gira gambe tshangano nya guage khu litshigu nya gulume dzimbewu, avbo mu ningelago dzimbewu nya guphele ga Pfhumu Nungungulu, mayelano ni Mibuzo yanu nya Dzisemana, mu nga thumi thumo nya gulemele.

Mithumo 2:1

Na li vbohide litshigu nya Pentekosta, vatshavbo va di tshanganide wulanga wumowo.