23 Mombe mwendro nvuta yi gu ni litundru nya gukhwenyele mwendro nya gulaphe u na yi ningela khu gugola gwago, aholu kha yi na dzumedwa gu gira khiyo phaso nya gutadzise gisambanyo.
Sanana satshavbo sa Israyeli, nya vama ni vanyamayi, va nga bani va gola khu myonyo yawe guhengela ga wevbi ni wevbi thumo owu Pfhumu Nungungulu, khu lito la Mosi, a nga khuye wu na thumwe, a di dzega miningelo yaye na tshulegide aya bikela ga Pfhumu Nungungulu.
Khu guralo, ni moyo nya vale va limadego milini gwawe, a nga hidzimeli a ta ningela miphaso nya nga: Gikhumu, muthu nya guhase litundru, nya mabawa khovbeni ni nya gukhwenyele litundru;
U nga ningeli ga Pfhumu Nungungulu gifuyo nya gikhumu, nya guhase, nya guthenwe, nya silondra, nya gighwere; gambe mu nga girini khigyo phaso nya guvbisedwe Pfhumu Nungungulu vbatshani nya giluvelo gyaye.
U nga bikeli ga Pfhumu Nungungulu gifuyo gi thenidwego, khu gu phwatiswa, mwendro khu gu bayiswa, mwendro khu gu pidwa, mu nga girini silo nya nga isoso tigoni gwanu.
Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.
U nga tshuki u girela phaso ga Pfhumu Nungungulu wago, khu gikuzyana mwendro nvuta nya libawa ambari guhasa nya gukari; kholu isoso si nyenyezide ngudzu mahoni ga Pfhumu Nungungulu wago.