Levhi 22:2 - Bhibhiliya Nya Guage

² “Embela Aroni ni sanana saye va ninga githawo silo si agisidwego, esi sanana sa Israyeli si nyi phaselago, gasi va si nyenyezisi lina langu nya guage. Eni kheni Pfhumu Nungungulu.

Levhi 22:2 Iomraidhean Croise

Ezira 8:28

Nyi di va embela, kheni: “Enu mu phasedwe Pfhumu Nungungulu ni sombo sesi niso si agide, gumogo ni parata ni ndralama yeyi niyo yi ningedwego khu gugola ga Pfhumu Nungungulu wa vababe vanu.

Ekisodha 13:12

u na phasela Pfhumu Nungungulu gyanana gyatshavbo nya matiwula, ni matiwula yatshavbo nya sifuyo sago; matiwula yatshavbo nya matune ma na lumba Pfhumu Nungungulu.

Ekisodha 28:38

Li bani li romo vbagiwombotunu ga Aroni, khu magirelo yaya, Aroni a na rwala hungoni gwaye sighoho si girwago khu sanana sa Israyeli gikhati si dusago miningelo yawe nya miphaso. Li na khala giwomboni ga Aroni gikhati gyatshavbo a naya emago mbeli ga Pfhumu Nungungulu, gasi sanana sa Israyeli si mane wuhindzi mahoni ga Pfhumu Nungungulu.

Isaya 52:11

Dugani, dugani, khugani umomo! Mu nga kuhi ni gimwegyo gilo nya gunyenyeze. Dzi agiseni, mu duga vbakari gwaye, enu mu rwadego sombo sa Pfhumu Nungungulu.

Ezekiyeli 44:8

Kha mwa landrisani siguruvedzo sanu mayelano khu silo sangu nya guage; wulangani gwanu mu thede va nya mayigo gasi guta thuma Nyumbani gwangu nya miphaso.

Levhi 15:31

Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 21:6

Va na khale vathu va phasedwego Nungungulu wawe, va nga nyenyezisi lina la Nungungulu, kholu khavo va ningelago miphaso nya guvbiswe ni eyi nya sibaba ga Pfhumu Nungungulu. Khu guralo, gu vbwetega vari vathu va agidego.

Levhi 22:1

Pfhumu Nungungulu a di embela Mosi, khuye:

Levhi 22:32

Mu nga nyenyezisi lina langu nya guage, gasi nyi kodza gu rungudzwa vbakari ga sanana sa Israyeli. Eni kheni Pfhumu Nungungulu nyi mi agisago;

Mitengo 18:32

Mwa gu girani ningelo khiso nya sadi ngudzu, gima kha mwa na rwalani nandru; kha mu na nyenyezisa silo nya guage sa sanana sa Israyeli, kholu mwa gu si nyenyezisa, mu na dzi vangela lufu.

Dhewuteronome 15:19

Matiwula yatshavbo ma na gu velegwago tshambini gwago nya dzimombe mwendro nya dzinvuta, ayo nya matune, u na phasela Pfhumu Nungungulu wago; matiwula ya phandroni gwago nya dzimombe, u nga tshuki u ma thumisa, ambari matiwula nya dzinvuta dzago u nga ma gayi mawoya.