Levhi 22:13 - Bhibhiliya Nya Guage

¹³ Aholu nyamahegyane wa muphasi nya mhamba a gu fedwa khu mwama waye, mwendro wule a nga hudwa wugadzi na sa tshiya sanana, a gu wuya a ta khala ndrangani ga babe waye, kha nga matshigu nya wumbiri waye, a na dzumedziswa gu hodza guhodza ga babe waye; aholu muluveli a nga hodzi.

Levhi 22:13 Iomraidhean Croise

Genesi 38:11

Khu guralo, Judha a di embela ngadzamwane waye Tamari, khuye: “Dzi vegise kha nga noni ndrangani ga babe wago, kala gyanana gyangu sela gi dandra. Judha a di thava gukhuye Sela a ngafa nuye kha nga vandriyaye. Gukhugela avbovbo Tamari a di bwelela gaya gwawe aya khala iyo.”

Ezira 2:63

Mufumeli wawe a di va embela gukhuye va si hodzi silo si agidego kala a manega muphasi nya mhamba a na emago ni solo Urimi ni Tumimi.

Ekisodha 12:43

Khavbo avbo, Pfhumu Nungungulu a di embela gambe Mosi ni Aroni, khuye: “Eyi khu milayo nya mahodzelo nya Phasika: Muluveli a vbanyago vbakari gwanu, kha yeli gu hodza Phasika.

Ekisodha 29:33

Kharati, avo va na hodza esi si thumisidwego gu handza sighoho sawe gikhati va wumbedwego ni gu todzwa; valombo kha va yeli gu hodza silo sesi kholu si agide.

Ezekiyeli 44:8

Kha mwa landrisani siguruvedzo sanu mayelano khu silo sangu nya guage; wulangani gwanu mu thede va nya mayigo gasi guta thuma Nyumbani gwangu nya miphaso.

Levhi 10:14

Gasi khana yi ningedwego khu gu ndziwitedwa khu nayo nya bikelo, gumogo ni litundru li kasidwego, mu naya hodzani, uwe gumogo ni sanana sago nya vama ni vanyamayi, wulangani wu agidego, kholu mu ningidwe kha nga gipandre gyanu uwe ni sanana sago avbo nya mhamba nya miphaso nya pwanano yi duswago khu sanana sa Israyeli.

Levhi 22:10

Oyu a si gu wa nyumbani nya wuphasi nya mhamba, a nga hodzi ningelo nya phaso nya guagiswe, ambari pfhumba wa muphasi nya mhamba mwendro githumi gyaye kha va dzumedziswi gu hodza miphaso yi agisidwego.

Levhi 22:12

Nyamahegyane wa muphasi nya mhamba, a gu dzegwa khu mwama a si gu wa lifumbu laye, uye kha dzumedziswi gu hodza silo si agisidwego.

Dhewuteronome 24:2

uye a gu duga khu ndrangani gwaye, aya dzegwa khu mumbe mwama;

1 Samuweli 21:7

Moyo nya sithumi sa Sawule a di romo vbale ga litshigu lile, na gu landrisa siguruvedzo saye mbeli ga Pfhumu Nungungulu; a diri uye Dhowegi, Muedhomi, muthangeli nya vahavisi va Sawule.