Levhi 21:10 - Bhibhiliya Nya Guage

¹⁰ Wule a gu muphasi nya khongolo nya mhamba vbakari ga vandriyaye, a guhuledwego mafura nya gutodzwe hungoni gwaye, oyu a wumbedwego gasi guambala dzingandzu dzi agisidwego, a nga digi ndzudzu wa hungoni gwaye nyamba wu samula, mwendro gupferula dzingandzu dzaye.

Levhi 21:10 Iomraidhean Croise

Genesi 37:34

Khavbo avbo, Jakobe a di pferulela dzingandzu dzaye, a gu hunga libhandri nya miba giwununi, a ambala silendra nya gulile gyanana gyaye, matshigu nya gulaphe ngudzu.

2 Samuweli 15:30

Khu guralo, Dhavhidhe a di gwela gigomo nya miolivha na gu lila na sa ambala silato, na fenengede hungoni; vathu vatshavbo va nga bani va mu landrela va di fenengela navo hungoni, va lila gumogo naye.

Joba 1:20

Khavbo avbo, Joba a di khuga a ema, a pferula dzingandzu dzaye, a vbalula ndzudzu hungoni, a thega vbavbatshi khu khovbe, a lombelela,

Dzindzimo 133:2

Gufanana ni mafura nya gunungele ma thedwego hungoni ga Aroni, ma kwiriga ma naganisa giledzu gyaye, ma gu vboha kala ni dzitshokani nya guambale gwaye.

Ekisodha 29:7

U na dzega mafura nya gutodze u guhula hungoni gwaye, u mu todza.

Ezekiyeli 24:17

Hefemudzega huwe kape, u nga giri gililo khu vale va fudego; ambala gihugu gyago, u ambala ni silato migondroni gwago; u nga fenengedzi giledzu gyago, u nga hodzi guhodza ga vamalile.”

Levhi 13:45

Muthu a beledwego khu madwali yoyo nya sokono, fanede gu pferula guambala gwaye gu khala sitsangala, a vhilinganyisa ndzudzu, a fenengedza likana, a gulumela, khuye: Nya gunyenyeze! Nya gunyenyeze.”

Levhi 16:32

Wule a na gu bani na todzidwe a wumbedwa thumoni nya wuphasi nya mhamba, a tshikedza wulanga wa babe waye, khuye a na girago mhamba yeyi nya guagise sighoho, na ambade guambala nya linyu, guambala nya miphaso.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 8:12

Khu hwane a di guhula mafura nya gutodze hungoni ga Aroni, a mu agisa.

Mitengo 35:25

Tshangano wu na vbulugisa musongi mandzani ga muphodzeli, khu gu mu yisa dhoropani nya wuthavelo umo a nga bani a thavede umo; aya khala umo kala afa muphasi nya khongolo nya mhamba a todzidwego khu mafura nya guage.

Mitengo 6:7

ambari nari babe waye mwendro mayi waye, ndriyaye nya mwama, mwendro ndriyaye nya nyamayi, va gufa, a nga dzi nyenyezisi khavo; kholu gudziningela gwaye ga Nungungulu waye, gomo hungoni gwaye.

Matewu 26:65

Khavbo avbo, Muphasi nya Khongolo a di pferula dzingandzu dzaye, na gukhuye: “Hembulude Nungungulu! Wufakazi muni hi wu vbwetago gambe? Mu ngari gu mupwa ni guhembulula Nungungulu.