Levhi 20:9 - Bhibhiliya Nya Guage

⁹ Wule a valago babe mwendro mayi waye, a na songwa; kholu a hembulude babe ni mayi waye; novba waye wu na thegela vbatshani gwaye.

Levhi 20:9 Iomraidhean Croise

2 Samuweli 1:16

Khavbo avbo, Dhavhidhe a di mu embela, khuye: Novba wago, wu na thegele hungoni gwago, kholu likana lago li ngu gu fakazela, avbo u nga ganela, khuwe: “Kheni nyi nga songa uye a todzidwego wa Pfhumu Nungungulu.”

1 Dzipfhumu 2:32

Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

Ekisodha 21:17

Uye a valago babe waye mwendro mayi waye, fanede gu songwa.

Mavingu 20:20

Uye a valago babe mwendro mayi waye, a na tshimegedwa khu mwenge waye a khala mugidemani nya guthise.

Mavingu 30:11

Gu na ni vathu vale va valago babe wawe, ambari ni gumba zundza mayi wawe.

Mavingu 30:17

Maho nya muthu a kanyisago babe waye, ni gumba yingisa mayi waye, ma na rumbudwa khu vamahigonganye, ma rothedwa khu sifondro nya lighama.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Levhi 20:16

Nyamayi a gu hidzimela ga girengo a lala nagyo; songani nyamayi mu bwelo khavbo mu songa gambe girengo, va na konedwe gufa. Novba wawe wu na thegela vbatshani gwawe.

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Matewu 15:4

Kholu, Nungungulu layide, khuye: ‘Rungudza babe ni mayi’, ni gukhuye: ‘Uye a hembululago babe waye, mwendro mayi waye, fanede gu songwa.’

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Marko 7:10

Kholu, Mosi a di khuye: ‘Rungudza babe wago ni mayi wago.’ Bwelo khavbo, khuye: ‘Uye a hembululago babe, gani mayi waye, tsayiso waye khu gufa!’

Dhewuteronome 27:16

Libango ga wule a vengago babe mwendro mayi waye. Vathu vatshavbo va na hakha, khavo: “Amen!”

Josuwa 2:19

Gani khu mani uye a na tulago lidimba a duga vbavbandze, uye novba waye wu na thegela hungoni gwaye; ethu hi na bani hiri mwalo nandru; aholu novba wa wule a na bani nari nago nyumbani momu wu na thegele mihungoni gwathu, a gu tshuka a songwa khu muthu.

Valamuli 9:24

Gasi ndrwadza yeyi yi nga girwa ga sanana sa Jerubhahali nya livbandre na mavili magumi, novba wawe wu phodzedwago khu gu thegela vbatshani ga Abhimeleki, ndriyawe, a nga va songago, ni ga vavbanyi va dhoropani ga Sikemi, va nga mu tiyisago mawogo, gasi a sasela vandriyaye.