Levhi 20:3 - Bhibhiliya Nya Guage

³ Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 20:3 Iomraidhean Croise

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Levhi 15:31

Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe.

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Levhi 20:4

Vathu va tigoni gwawe va gu pfhuma maho va si woni muthu yoyo, avbo a ningelago gyanana gyaye gu girela mhamba Moloki, va si mu songi,

Levhi 21:6

Va na khale vathu va phasedwego Nungungulu wawe, va nga nyenyezisi lina la Nungungulu, kholu khavo va ningelago miphaso nya guvbiswe ni eyi nya sibaba ga Pfhumu Nungungulu. Khu guralo, gu vbwetega vari vathu va agidego.

Levhi 7:20

Aholu muthu moyo a nyenyezidego, a gu hodza nyama nya miphaso nya pwanano, a na fuviswa vbakari ga vathu vaye.

Levhi 7:21

Muthu a gu kuha gilo nya gunyenyeze, mwendro ndzilo nya muthu, mwendro girengo nya gunyenyeze, mwendro ni gevbini gilo gi nyenyezidego, a khuga khavbo aya hodza nyama nya phaso nya pwanano, wu bikedwego ga Pfhumu Nungungulu, muthu yoyo a na fuviswa vbakari ga vathu vaye.

Mitengo 19:13

Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.

Mitengo 19:20

Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

1 Pedro 3:12

Kholu, Pfhumu, maho yaye ma gu khedza vathu nya gululame; gikhati gyatshavbo a gu yingisa milombelo yawe. Aholu, a ngu wugela avo va girago guvivba.”