Levhi 20:18 - Bhibhiliya Nya Guage

¹⁸ Mwama a gu lala ni nyamayi a wonago migima yaye, avbo a funungulago wumbwiri waye, khu wuvili wawe va na fuviswa vbakari gwa va na gyawe, kholu funungude gibuga nya novba wa nyamayi yoyu, ni nyamayi yoyu funungude gibuga nya novba waye.

Levhi 20:18 Iomraidhean Croise

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Ezekiyeli 18:6

a si hodzeligo malangani nya miphaso ya sigomoni, ambari gu khusa maho yaye a khedza sifananiso sa va na Israyeli. Kha nyenyezisi mwangadzi wa muakelane waye, ambari gu bhaya ni nyamayi a guromo gikhatini nya guwone matshigu yaye nya ngima.

Ezekiyeli 22:10

Vomo vale va hengelago malawu ni mayidugwane wawe ni gu hengela malawu ni nyamayi a wonago matshigu nya ngima.

Levhi 12:2

“Ganela ga sanana sa Israyeli u si embela, khuwe: Nyamayi a gu khura mimba a gu velega gyanana nya gikhwathana, a na lolela livbandre na mavili matshigu, a na lolela idzosaye gukhwatshi khu matshigu a wonago migima yaye.

Levhi 15:24

Mwama a gu lala ni nyamayi yoyo, novba waye wu na mu namarela, mwama yoyo, a na nyenyeza livbandre na mavili matshigu, malawu yatshavbo a lalago avbo ma na nyenyeza.

Levhi 18:19

U nga hidzimeli ga nyamayi a loledego khu gu bani na gu wona migima, u funungula wumbwiri waye.