Levhi 2:3 - Bhibhiliya Nya Guage

³ Esi si na tshalago vbaningelotunu sa gu lumba Aroni ni sanana saye. Egi gipandre gi agidego ngudzu, nya phaso wu vbisedwago Pfhumu Nungungulu.

Levhi 2:3 Iomraidhean Croise

Ezira 2:63

Mufumeli wawe a di va embela gukhuye va si hodzi silo si agidego kala a manega muphasi nya mhamba a na emago ni solo Urimi ni Tumimi.

Ekisodha 29:37

Thumo nya guagise giluvelo wu na dzega livbandre na mavili matshigu, u na gi agisa; gi khala gilo gi agidego ngudzu; ni gevbini gi na kuhago giluvelo gi na agiswa.

Ezekiyeli 44:29

Va na hodza ningelo nya mibuzo, ni ningelo khu sighoho gumogo ni ningelo nya gu divaledwe milandru; ni silo satshavbo si na gu phasedwago Pfhumu Nungungulu sa tigoni ga Israyeli, si na lumba avo.

Ezekiyeli 46:20

A di nyi embela, khuye: “Owu khu wulanga vaphasi nya mhamba va na phulago umo miningelo nya gutsetseledwe milandru ni miningelo nya guhandze sighoho ni avbo va na phulago miningelo nya guhodze, gasi va wu resa ga likupakupa la vbavbandze va agisa vathu.”

Levhi 10:15

Avbo nya litundru leli nya ndruwo ni khana nya nayo nya bikelo, mu na pata mafura ma fanelago guya vbiswa niloni gasi mu si ndziwitela khu nayo nya bikelo mbeli ga Pfhumu Nungungulu; si na lumba uwe ni sanana sago, kha nga idzo Pfhumu Nungungulu a rumidego khidzo.”

Levhi 14:13

Khavbo avbo, a na dzega nvuta aya yi paya Wulangani nya Guage, avbo gu payedwago sirengo nya miphaso nya ditshedzo ni esi nya miphaso nya guvbiswe; kholu nyama nya miphaso nya gulivbe nandru ni eyi nya miphaso nya sighoho ya gu lumba muphasi nya mhamba; silo si agidego ngudzu.

Levhi 2:10

Esi si tshalago nya dzimbewu vbagiluvelotunu, si na lumba Aroni ni sanana saye, silo si agidego ngudzu nya miningelo nya guvbisedwe Pfhumu Nungungulu.

Levhi 21:22

A na hodza guhodza nya miphaso gwa Nungungulu waye, nya miningelo nya guage ngudzu ni eyi nya guage.

Levhi 5:13

“Khu magirelo yoyo, muphasi nya mhamba a na handza gighoho a giridego muthu yoyo, guyelana ni gimwegyo nya esi si ganedwego, uye a na tsetseledwa. Wuguvbi wu na tshalago, wu na lumba muphasi nya mhamba, gukhwatshi khu edzi gu girwago avbo nya ningelo nya phaso nya dzimbewu.”

Levhi 6:26

Muphasi nya mhamba a na thangelago phaso yoyu khuye basi a na hodzago nyama yakone wulangani nya guage, likupakupani nya Tshatsha nya Tshangano.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Levhi 7:7

Nayo nya miphaso nya gulivbe milandru wu ngu fanana ni owu nya miphaso nya ditshedzo. Nyama nya miphaso ya gu lumba muphasi a thangelago mhamba.

Levhi 7:9

Kha nga gambe miphaso yatshavbo nya dzimbewu dzi vawudwago mwendro gu phudwa khalini, mwendro dzi gadzingwago tindzaloni, dzi na lumba muphasi nya mhamba a ningelago phaso.

Mitengo 18:9

Vbakari nya silo satshavbo si agiswago, vbavbandze nya sile si vbiswago khu nilo, iso si lumbago uwe khesi: Miningelo yawe yatshavbo, ni miningelo yawe nya guhodze, miphaselo yawe nya sighoho ni miphaselo yawe yatshavbo nya milandru va na gu yi girago gasi gu tsetseledwa khiyo sighoho avbo gwangu; isoso si na bani si agide, si na lumba uwe gumogo ni sanana sago.

1 Samuweli 2:28

Nyi mu hathide vbakari nya mahundzu yatshavbo ya na Israyeli, gasi a khale muphasi wangu nya mhamba, a gira miphaso vbagiluvelotunu gwangu, a vbisa libani nya gunungele, a ambala Efodhe mbeli gwangu. Nyi ningide ga ndranga la babe wago, gipandre gimwegyo nya miphaso yatshavbo nya guvbiswe, yi vbiswago khu sanana sa Israyeli.