Levhi 2:2 - Bhibhiliya Nya Guage

² A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Levhi 2:2 Iomraidhean Croise

Nehemiya 13:14

Khu guralo, Nungungulu Wangu, U nga nyi divali, dundruga silo nya sadi nyi gu giredego nyumbani Gwago gumogo ni thumo wago.

Nehemiya 13:22

Nyi leletede gambe va na Levhi gukheni va dzi agise, vata ghadha malimba, gasi va agisa litshigu nya Sabhadho. Khu esi gambe, Pfhumu Nungungulu wangu, nyi alakanye; U nyi tsetselela khu kotani nya wuhindzi wago nyamba vbela.

Ekisodha 30:16

U na dzega dzitsapawu nya dzegiso dzi livbwago khu sanana sa Israyeli u dzi thumisa thumoni nya Tshatsha nya Tshangano; tshenga yeyi nya dzegiso yi na khala kha nga gidundrugiso ga sanana sa Israyeli mbeli ga Pfhumu Nungungulu, kha nga tengo nya gulivbe guvbanya gwanu.”

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:17

Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Levhi 2:16

Khu guralo, muphasi nya mhamba a na vbisa gipandre nya gialakanyiso nya sivbila nya guhindzwe na si patidwe ni mafura, ni libani latshavbo; owu phaso wu vbisedwago Pfhumu Nungungulu.

Levhi 2:9

Muphasi nya mhamba a na vbungula gipandre gi yelago gu gira ningelo nya gialakanyiso a wu vbisa vbagiluvelotunu; ningelo nya guvbiswe, nya mahema nya gunungele gwadi wu salalegisa Pfhumu Nungungulu.

Levhi 24:7

Vbatshani nya ndzarara ni ndzarara u na vega libani li gira gialakanyiso vbatshani nya sibaba, kha nga ningelo nya guvbiswe mbeli ga Pfhumu Nungungulu.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 5:11

Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe.

Levhi 5:12

A na wu yisa ga muphasi nya mhamba, uye a na baga gyandza nya wuguvbi kha nga gialakanyiso, a vbisa vbatshani nya giluvelo, vbaminingelotunu yi vbisedwago Pfhumu Nungungulu; owu phaso nya guhandze gighoho.

Levhi 6:15

Moyo nya vaphasi nya mhamba a na baga gyandza nya wuguvbi nya ningelo ni mafura ni libani latshavbo, a vbisa vbatshani nya giluvelo, kha nga gialakanyiso nya phaso nya gunungele gwadi wu salalegisa Pfhumu Nungungulu.

Mitengo 5:18

Khavbo avbo, muphasi nya mhamba a na bikela nyamayi mbeli ga Pfhumu Nungungulu, a mu funungula hungo, a vega mandzani gwaye ningelo nya dzimbewu nya gualakanye, a gu ningelo nya dzimbewu nya gualakanye wufu, muphasi nya mhamba a na phara mandzani gwaye mati nya guvave ma girago givalo.

Mitengo 5:26

Muphasi nya mhamba a na baga gambe gyandza nya wuguvbi ni miningelo nya gualakanye, a yi vbisa vbagiluvelotunu; khu hwane a sedza mati nyamayi.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.