Levhi 2:1 - Bhibhiliya Nya Guage

¹ Muthu a gu vbweta gu ningela ga Pfhumu Nungungulu, phaso nya dzimbewu dza thembweni, ningelo waye wu na bani wuri wa wuguvbi nya gudadatwe, wu thedwa mafura ni libani nya gunungele.

Levhi 2:1 Iomraidhean Croise

Ekisodha 29:2

u dzega gambe sibaba nyambana mela, ni sikatyana nyambana mela nya gusugwe ni mafura, ni dzifiyoso nyamba thedwa mela nya guthedwe mafura. Satshavbo u na si gira khu wuguvbi nya tirigu.

Isaya 43:23

Kha wa nyi resela dzinvuta guta gira miningelo nya miphaso nya guvbiswe, ambari gu nyi zundza khu dzimhamba dzago; eni kha nya gu lemedza khu gu lomba miningelo nya guhodze, ambari gu gu garadza khu gu nyi vbisela libani.

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Ezekiyeli 46:20

A di nyi embela, khuye: “Owu khu wulanga vaphasi nya mhamba va na phulago umo miningelo nya gutsetseledwe milandru ni miningelo nya guhandze sighoho ni avbo va na phulago miningelo nya guhodze, gasi va wu resa ga likupakupa la vbavbandze va agisa vathu.”

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 24:7

Vbatshani nya ndzarara ni ndzarara u na vega libani li gira gialakanyiso vbatshani nya sibaba, kha nga ningelo nya guvbiswe mbeli ga Pfhumu Nungungulu.

Levhi 5:11

Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe.

Levhi 6:7

Muphasi nya mhamba a na mu girela phaso nya ditshedzo mbeli ga Pfhumu Nungungulu, khavbo avbo, a na tsetseledwa milandru yatshavbo a ghohidego.”

Levhi 9:17

Ga isoso satshavbo, a di pata ningelo nya wuguvbi, a baga gyandza a vbisa vbatshani nya giluvelo, a engedzela avbo nya phaso nya guvbiswe wa vbadzimindrutunu.

Levhi 9:4

kuzi ni nvuta muta si gira mhamba nya phaso nya pwanano, muta paya mbeli ga Pfhumu Nungungulu, ni ningelo nya wuguvbi nya gusugwe khu mafura, kholu muhuno Pfhumu Nungungulu a nata dzi wonegisa gwanu.”

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Mitengo 18:9

Vbakari nya silo satshavbo si agiswago, vbavbandze nya sile si vbiswago khu nilo, iso si lumbago uwe khesi: Miningelo yawe yatshavbo, ni miningelo yawe nya guhodze, miphaselo yawe nya sighoho ni miphaselo yawe yatshavbo nya milandru va na gu yi girago gasi gu tsetseledwa khiyo sighoho avbo gwangu; isoso si na bani si agide, si na lumba uwe gumogo ni sanana sago.

Mitengo 28:5

U na ningela gambe gipandre nya likhumi nya efa nya wuguvbi nya wadi, na wu sugidwe khu gipandre nya wu na nya deva nya mafura nya guhutwe gasi gu gira ningelo nya guhodze.

Mitengo 29:18

gumogo ni miningelo nya guhodza ni wadwa yi patwago ni dzimombe, dzihamba ni dzinvutana gukhedza khu tengo ni nayo wakone;

Mitengo 7:13

A di ningela mbiya mweyo nya parata, nya gulemele lizana ni magumararu dzisekeli, ginamelo gimwegyo nya parata na giri ni livbandre na mavili magumi dzisekeli mayelano khu sekeli ya wulangani nya guage; satshavbo na si tade khu wuguvbi nya wadi, na wu sugidwe khu mafura, gasi gu gira ningelo nya guhodze;

Mitengo 7:19

Kha nga ningelo waye, uye a di ningela mbiya mweyo nya parata na yiri ni pimo nya lizana ni magumararu dzisekeli, ginamelo gimwegyo na giri ni livbandre na mavili magumi dzisekeli, mayelano khu sekeli ya Wulangani nya Guage; satshavbo na si tade khu wuguvbi nya wadi nya gusugwe khu mafura, gasi gu gira ningelo nya guhodze;

Mitengo 8:8

Khavbo avbo, va na resa gimombyana gumogo ni ningelo nya guhodze nya wuguvbi nya wadi, nya gusugwe khu mafura; u na dzega gimbe gimombyana gasi gu gira phaso nya guditshedzwe sighoho.

Johane 6:35

Jesu, khuye: “Eni kheni guhodza nya womi. Uye atago gwangu gima kha napwa ndzala; ni uye a khodwago gwangu, gima kha napwa lidora.

1 Johane 2:20

Aholu, enu mu todzidwe Liphuvbo la wule a Agidego. Khu guralo, mwatshavbo mu ngu siti satshavbo.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.

Judha 1:20

Aholu, enu sigodwa sangu, simamani mu andra ni gu tiya gukhodwani gwanu nya guage ngudzu, mu lombelela khu tshivba nya Liphuvbo nya Guage.

Gutuledwa 8:3

Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va yi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu.