Levhi 19:18 - Bhibhiliya Nya Guage

¹⁸ U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni Pfhumu Nungungulu.

Levhi 19:18 Iomraidhean Croise

Genesi 4:23

Lameki a di embela vagadzi vaye Adha ni Zila khuye: “Adha ni Zila, nyi yingiseni gwadi, enu vagadzi va Lameki, upwani gwadi esi nyi mi embelago: Nyi songide muthu kholu a nga nyi bayisa, nyi songa lidzaha kholu li nga nyi gandra.

2 Samuweli 13:22

Aholu Abhisalamo kha nga ganela ni Amoni, nya sadi, ambari nya guvivbe; kholu Abhisalamo a di gu vengana ni Amoni, kholu a nga pfinya ndriyaye Tamari.

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

Dzindzimo 103:9

Kha hi tsayisi gikhati gyatshavbo, ni likhulo laye kha li simami kala gupindruga.

Ekisodha 20:16

U nga singedzi malipha muthu kwanu.

Mavingu 20:22

Wa gu giredwa guvivba khu muthu u nga ganeli, khuwe: “Nyi na phodza!” Tumba Nungungulu, uye a na gu phasa.

Levhi 19:34

Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu.

Matewu 19:16

A di yedwa khu lidzaha limwedo li nga ya mu wudzisa, khilo: “Muhevbudzi nya wadi, ginani nya gyadi nyi fanedego gu gira gasi gu mana guvbanya nya gupindruge?”

Matewu 19:19

rungudza babe ni mayi; gola muthu kwanu kha nga idzo u dzi golago khidzo.”

Johane 13:34

Nayo wuphya nyi mi ningago, khoyu: Haladzanani, kha nga idzo nyi mi haladzidego khidzo, golanani nenu khu gyanu.

Mithumo 16:28

Aholu, Pawulo a di khusa lito a gu ganela, khuye: “U nga dzi songi, hatshavbo hi womo avba.”

Varoma 12:17

Mu nga bweledzelini guvivba khu guvivba, aholu dzi garadzeni khu gu girela gwadi vathu vatshavbo.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Varoma 13:4

Kholu fanelo yatshavbo nya guthangele vathu ya guta khu ga Nungungulu, gasi guthumela uwe. Aholu wa gu gira guvivba u na ni fanelo nya guthave, kholu vathangeli va na ni tshivba nya gutsayise. Muthangeli kha phari ndronga mahala. Wuthangeli wa gu thumela Nungungulu khu gu tsayisa vale va girago guvivba.

Varoma 13:9

Sileletelo nya nayo sari khiso: “U nga bhayi, u nga songi, u ngabi, u nga singedzi, u nga dogoleli savane.” Satshavbo sesi ni simbe gambe sa gu patwa sa gu khala nayo moyo basi wu gu khuwo: “Haladza muthu kwanu kha nga uwe mune.”

Vagalatiya 5:14

Kholu Nayo watshavbo wa gu tadzisega ga nayo moyo basi wu rumago, khuwo: “Haladza muthu kwanu nga edzi u dzi haladzago khidzo uwe mune.”

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Vakolosi 3:8

Olu gu vbwetega mu tshulega ga satshavbo soso, mu nyenya dzizanga, ni likhulo, ni ndrwadza, ni milembo, ni magana nya gunyenyeze ya kanani gwanu.

Vahebheru 10:30

Kholu hi ngu muti gwadi oyu a nga khuye: “Guphodza ni gubweledzela sa gu lumba eni. Nyi na ninga tshatshazelo.” A engedza gambe, khuye: “Pfhumu yi na lamula vathu vaye.”

Jakobe 2:8

Khu guralo, mwa gu landra nayo yoyu nya Wufumu, mu ngu gira gwadi, owu wu ganedwago khu Milowo nya Guage, khiyo: “Gola muthu kwanu nga edzi u dzi golago khidzo uwe wurumba wago,” avbovbo mu ngu girani gwadi.

1 Pedro 2:1

Khavbo avbo, digani satshavbo nya guvivbe, malipha, gusengedzela, lidiwo ni milembo yatshavbo.

1 Johane 4:21

Oyu khuye Nayo hi nga ningwago: Oyu a haladzago Nungungulu, a na haladze gambe ni ndriyaye.