Levhi 19:13 - Bhibhiliya Nya Guage

¹³ U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

Levhi 19:13 Iomraidhean Croise

Joba 17:5

Uye a ningelago dzipari dzaye dzi phangwa, maho nya sanana saye ma na wu na.

Joba 31:39

nya gu bani nyi hodzide mahala mihandro yaye, nya gu bani nyi vbedzide tshivba vamune vaye,

Joba 7:2

Kha nga khumbi yi vbiswago khu lihani yi vbweta mutsa, ni githumi gi khedziselago litshigu nya guhakhiswe gwaye.

Ekisodha 20:15

U ngabi.

Ekisodha 22:13

Gya gu bani giri gi di hodzwa khu sirengo nya likhabi, oyu a lelisidwego a na resa sipandre si tshadego gasi gu ta nonedza a tiyisa lisine laye. Kharato, kha na nga livba egi gi hodzidwego khu sirengo nya likhabi.

Ekisodha 22:15

Aholu mune girengo a gu bani nari vbafuvbi, kha na livbwa. A gu bani nari a di lombisa khu dzitsapawu, a na livbwa tengo va nga dzumelanago.

Ekisodha 22:21

U nga vengeli muluveli a vbanyago vbafuvbi gwago mwendro gu mu tshanisa, kholu enu nenu mu diri valuveli tigoni ga Egipito.

Ekisodha 22:7

Muthu a gu vega dzitsapawu mwendro silo saye ga mumbe muthu, silo sesi si bidwa ndrangani mule, mbafa ya gu manwa yi na livba guvili.

Mavingu 20:10

Gu rengisela vathu khu mipimo nya wukanganyisi, silo nya gunyenyeze mahoni ga Pfhumu Nungungulu.

Mavingu 22:22

U nga phangi gisiwana silo saye, kholu gi gu gisiwana, ni mugulamulani nya mahungu, u nga tsayisi uye a gu mwalo gilo,

Mavingu 3:28

U nga embeli ndriyago, khuwe: “Wuya mindru nyi nata gu ninga gilogyo,” nu dzi kodza gu mu phasa muhuno.

Jeremiya 22:13

Libango ga uye a dzi vbahelago nyumba khu wukanganyisi, a yi andrisa nyambana nayo, a thumisago vakwawe nyamba va hakhisa, a si va ningi tshatshazelo nya thumo wawe;

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 22:29

Vathu va tigoni va gu gira dzihanyi ni wuvafa; va gutshanisa sisiwana ni vahamugi, ni gutshanisa valuveli, va si va ningi dzifanelo dzawe.

Levhi 25:14

Wa gu rengisela gilo muthu kwanu, mwendro gu renga, mu nga kalavelani khu gyanu.

Levhi 25:17

“Mu nga tshanisini muakelane wanu, muthu ni muthu a na thave Nungungulu waye, kholu Eni kheni Pfhumu Nungungulu wanu.”

Levhi 6:3

mwendro, na rode gilo gya muthu gi dzimedego, a langa, a lipha khuye kha giti, ngudzungudzu a gu bwelo khavbo a sambanya malipha ga silo nya nga esi, mwendro ga gevbini gimbe gilo gi girago gu muthu a ghoha.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 20:8

Na li hwide, mune lithembwe nya miuvha a di ruma ghadhi, khuye: ‘Rana sithumi u si hakhisa; phela khavo va nga hegisela gu vboha, u hegisela khavo va nga phela.’

Marko 10:19

U ngu yiti milayo yi gu, khiyo: ‘U nga songi; u nga bhayi; u ngabi; u nga singedzi; u nga kanganyisi; rungudza babe ni mayi wago.’ ”

Luka 3:13

A di va hakha, khuye: “Mu nga khuphisi gu vbindrisa nayo.”

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

1 Thimoti 5:18

Kholu, Milowo nya Guage yari, khiyo: “U nga segi likana nya mombe na yi gu vbula dzimbewu.” Yi engedza gambe, khiyo: “Githumi gi na ni fanelo nya guhakhe.”

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.