Levhi 18:2 - Bhibhiliya Nya Guage

² “Ganela ga sanana sa Israyeli, u si embela, khuwe: Eni kheni Pfhumu Nungungulu wanu.

Levhi 18:2 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Dzindzimo 33:12

Li kategide litigo lile Nungungulu a gu uye Pfhumu Nungungulu, ni vathu a va hathidego gu khala thomba yaye.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Ezekiyeli 20:5

u va embela, khuwe: Mune Pfhumu Nungungulu a ngu ganela, khuye: Litshigu nyi hathidego Israyeli, nyi sambanyide na nyi khusedzide mandza vbatshani nya situgulwana nya linyangwa la Jakobe, nyi dzi yeyedza gwawe tigoni ga Egipito. Na nyi khusedzide mandza, nyi di va embela, kheni: Eni kheni Pfhumu Nungungulu wanu.

Ezekiyeli 20:7

Khavbo avbo, nyi di va embela kheni, moyo ni moyo a na dige gukhedzisela silo nya guvivbe, gambe mu nga dzi nyenyezisi khu sifananiso sa Egipito. Eni kheni Pfhumu Nungungulu wanu.

Levhi 11:44

Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni.

Levhi 18:1

Pfhumu Nungungulu a di ganela gambe ga Mosi, khuye:

Levhi 18:30

Khavbo avbo, sayisani milayo yangu, mu nga yedzedzelini tumbunugo nya mavbanyelo nya gunyenyeze, va vbanyidego khayo mu si gu vbohi enu. Mu nga dzi nyenyezisi khayo. Eni kheni Pfhumu Nungungulu wanu.”

Levhi 18:4

Mu na landrisa sileletelo sangu, mu sayisa milayo yangu, mu vbanya khiyo. Eni kheni Pfhumu Nungungulu wanu.

Levhi 19:10

Thembweni gwago nya miuvha, u nga bweleli hwane u ya havedzela esi si tshaledzedego, mwendro gu roledzela dziuvha dzi thegidego vbavbatshi. U na tshiyela sisiwana ni valuveli. Eni kheni Pfhumu Nungungulu wanu.

Levhi 19:34

Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu.

Levhi 20:23

Mu nga landrisi tumbunugo nya mavbanyelo ya vathu nyi na gu va lundrago mbeli gwanu; kholu va giride silo sesi satshavbo nya guvivbe; va nyi goroside.

Levhi 20:7

Khu guralo, dzi agiseni mu khala vathu va agidego, kholu Eni kheni Pfhumu Nungungulu wanu.