Levhi 17:6 - Bhibhiliya Nya Guage

⁶ Muphasi nya mhamba a na mitegedzela novba vbagiluvelotunu gya Pfhumu Nungungulu, nyangwatunu nya Tshatsha nya Tshangano, a na vbisa mafura a gira mhamba nya gunungele gwadi yi salalegisa Pfhumu Nungungulu.

Levhi 17:6 Iomraidhean Croise

Ekisodha 29:13

U na dzega gambe mafura yatshavbo aya mafumbelago mahembe, ni gifumbelo nya libindri, ni dzitshwa dza dzimbili gumogo ni mafura yakone u si vbisa satshavbo vbatshani nya giluvelo.

Ekisodha 29:18

U na vbisa nvuta yatshavbo vbatshani nya giluvelo. Eyi i mhamba nya miphaso nya guvbiswe ya Pfhumu Nungungulu, phaselo nya mahema nya gusalalegise gasi gu rungudza Pfhumu Nungungulu.

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Levhi 17:5

Khu kharato, sanana sa Israyeli, si olovedego gu paya sirengo nya miphaso vbavbandze, si fanede gu yisa sirengo sawe ga muphasi nya mhamba a si bikela ga Pfhumu Nungungulu. A na si paya nyangwatunu nya Tshatsha nya Tshangano, a gira ningelo nya phaso nya pwanano nya gurungudze Pfhumu Nungungulu.

Levhi 3:11

Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu.

Levhi 3:13

a na handzega mandza hungoni nya gifuyo nya miphaso, a gi paya mbeli nya Tshatsha nya Tshangano. Khavbo avbo, sanana sa Aroni si na mitegedzela khu novba giluvelo maphuvbo yatshavbo.

Levhi 3:16

Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu.

Levhi 3:2

A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo.

Levhi 3:5

Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.

Levhi 3:8

A na handzega mandza hungoni nya gifuyo nya miphaso, aya gi paya nyangwatunu nya Tshatsha nya Tshangano; khavbo avbo, sanana sa Aroni si na mitegedzela khu novba maphuvbo yatshavbo nya giluvelo.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Mitengo 18:17

Aholu matiwula nya mombe, matiwula nya nvuta mwendro matiwula nya phongo, esi kha si dzegiswi, kholu si agide; novba waye u na wu mitegedzela vbagiluvelotunu, mafura yakone u gira khayo ningelo nya guvbiswe, ma khala mahema nya gunungele ga Pfhumu Nungungulu.