Levhi 17:11 - Bhibhiliya Nya Guage

¹¹ Kholu guvbanya nya mili gomo novbani; nyi mu ningide novba gasi mu agisa khuwo guvbanya gwanu vbagiluvelotunu, gasi guditshedzwa mihefemulo yanu, kholu novba wu na ni tshivba nya guagise guvbanya gwanu.

Levhi 17:11 Iomraidhean Croise

Genesi 9:4

Aholu, nyama mu nga yi hodzini nyamba phela khu gu yi dusa novba wakone, kholu novba womi.

Levhi 1:5

Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano.

Levhi 16:11

Aroni a na bikela kuzi khu phaso nya ditshedzo khu sighoho saye, a na gira nayo nya gulivbe nandru khu uye mune ni ndranga yaye. Khavbo avbo, a na paya kuzi a gira phaso nya mhamba khu sighoho saye.

Levhi 17:12

Khu guralo, nyi embede sanana sa Israyeli, kheni: Gu nga manegi ni moyo basi vbakari nya sanana sa Israyeli ambari va nya guta va vbanyago vbakari gwawe a na hodzago novba.

Levhi 17:14

Kholu guvbanya nya mili gomo novbani gwaye, khidzo kharato nyi nga embela sanana sa Israyeli, kheni: Mu nga hodzini novba ni wa gevbini girengo, kholu guvbanya gwaye gomo novbani gwaye. Oyu a hodzago novba a na fuviswa vbakari gwawe.

Levhi 4:25

Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe.

Levhi 4:26

A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa.

Levhi 8:15

Mosi a di paya kuzi a hakhedzela novba wakone, na negide nyala yaye novbani, a di todza dzikeho nya giluvelo khu maphuvbo yatshavbo a gi agisa; khu hwane a di guhula novba watshavbo tshinani nya giluvelo a gi agisa gasi gu ningela avbo phaso nya gulivbe nandru nya gighoho.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Marko 14:24

a di va embela, khuye: “Owu novba wangu; novba nya gidzumeledzwano nya giphya, wu na vbaladzedwago va nya gutala.

Varoma 3:25

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe.

Varoma 5:9

Ngudzungudzu olu hi agisidwego khu novba wa Kristo, hi na vbulugiswa khuwo sisanisoni nya likhulo la Nungungulu.

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Dhewuteronome 12:23

Dzi wonele basi gumba hodza novba, kholu novba womi; khu guralo u nga hodzi womi gumogo ni nyama.

Vakolosi 1:14

Uye a ngu hi vbulugisa ni gu hi handza sighoho khu novba waye.

Vakolosi 1:20

Khu tshivba yaye tshanganiside ni Nungungulu silo satshavbo: Esi si guromo Ndzadzini ni esi si guromo mafuni a guvbaha gurula ga vatshavbo khu novba wa Mwanaye wu vbaladzidwego vbagihambanotunu.

Vahebheru 13:12

Khidzo kharato, Kristo nuye, songidwe vbavbandze nya libhiyo nya lidhoropa gasi afela guagisa sighoho nya vathu vatshavbo khu novba waye.

Vahebheru 9:22

Khu Nayo, silo satshavbo sa gu agiswa khu novba. Ni sighoho niso sa gu tsetseledwa basi khu gu vbaladzwa nya novba.

1 Pedro 1:2

Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;