Levhi 17:10 - Bhibhiliya Nya Guage

¹⁰ “Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 17:10 Iomraidhean Croise

Genesi 9:4

Aholu, nyama mu nga yi hodzini nyamba phela khu gu yi dusa novba wakone, kholu novba womi.

2 Samuweli 23:17

A ganela, khuye: “Ama Pfhumu Nungungulu, nyi ngu lomba gukheni si nga manegi vbafuvbi gwangu silo nya nga esi! Ina nyi ngu dzi kodza gu sela novba wa vama va ningedego womi wawe, gani?” Khavbo avbo, uye kha nga sela. Silo sesi, si di girwa khu dzindrena dza dzitharu.

Dzindzimo 34:16

Khovbe ya Pfhumu Nungungulu ya gu wugela avo va girago guvivba, gasi a va fuvisa mafuni va si alakanywi gambe.

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Jeremiya 21:10

Kholu Pfhumu Nungungulu a ngu ganela kharati, khuye: Nyi dzi emisede gu veta lidhoropa leli, khu kotani nya sighoho saye nasiri khu wuwadi; li na thega mandzani ga mufumeli wa Bhabhiloni, uye a li vbisa khu nilo.

Jeremiya 44:11

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na thendregedza khovbe yangu nyi mi pfhurarela, nyi mbembisa va na Judha vatshavbo.

Ezekiyeli 14:8

Nyi na dwana ni muthu yoyo, nyi mu gira giwonelo ni gilo nya gihegiso. Nyi na mu mbembisa vbakari nya vathu vangu, mu na dzitini nya gukhenu Eni kheni Pfhumu Nungungulu.

Ezekiyeli 15:7

Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni Pfhumu Nungungulu, gikhati nyi na gu va wugelago.

Ezekiyeli 33:25

Khu guralo, va tivise, khuwe: Mune Pfhumu Nungungulu, a ngu ganela kharati, khuye: Kha nga olu mu hodzago nyama ni novba wakone, mu bwelo khavbo mu khozela sifananiso ni gu vbaladza novba; ina mu nga na gu khala vamune litigo leli, gani?

Ezekiyeli 44:7

Gu diga nya yimbe mithumo yago nya wuyeyisi, u reside va nya mayigo nyamba hana wugwera, va si khathaligo khu Eni, va ta bela wulangani gwangu nya miphaso, gasi va nyenyezisa nyumbani gwangu, gikhati mu ningelago guhodza, mafura ni novba; khu kharato enu mu di fanyani gidzumeledzwano gyangu khu guvivba gwanu gwatshavbo.

Levhi 17:11

Kholu guvbanya nya mili gomo novbani; nyi mu ningide novba gasi mu agisa khuwo guvbanya gwanu vbagiluvelotunu, gasi guditshedzwa mihefemulo yanu, kholu novba wu na ni tshivba nya guagise guvbanya gwanu.

Levhi 19:26

Mu nga hodzi gilo gi gu ni novba, mu nga giri wutumbe mwendro gulola dzisolo.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Amosi 9:4

Ambari va gu yiswa wugumbitunu khu valala vawe, nyi na va rumela litshari li ya va songa. Nyi na va khedza khu maho nya guvivbe, nasiri khu wuwadi.

Mithumo 15:20

Va na ningwe basi nayo nya gumba hodza nyama nya guphasedwe dzinguluve ni nyama nya sirengo nya gufe khu gu tshwedza, ni gu diga wubhayi, ni gumba hodza novba.

Mithumo 15:29

Mu diga gu hodza esi si phasedwego dzinguluve, ni novba, ni nyama nya sirengo nya gufe khu gu tshwedza, ni gu diga wubhayi. Mu na gira gwadi mwa gu dzi vegisa ga silo sesi. Vbanyani gwadi.”

Dhewuteronome 12:16

Vbavbandze nya novba mu nga hodzi; u na wu vbaladza vbavbatshi kha nga mati.

Dhewuteronome 12:23

Dzi wonele basi gumba hodza novba, kholu novba womi; khu guralo u nga hodzi womi gumogo ni nyama.

Dhewuteronome 15:23

Vbavbandze basi nya novba wakone, mu nga hodzi, u na wu vbaladza mafuni kha nga mati.

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

1 Samuweli 14:32

va phela gu phanga dzimombe, dzinvuta, marole, va si songa vbavbatshi, va si hodza ni novba waso.

1 Samuweli 14:33

Khu guralo va diya tivisa Sawule, khavo: “Vathu va ngu ghohela Pfhumu Nungungulu, khu gu hodza nyama ni novba waye.” Sawule a di va hakha, khuye: “Mu ghohide. Wumbulutelani giwindri gita avba.”