Levhi 16:4 - Bhibhiliya Nya Guage

⁴ A na ambala ngandzu nya linyu nya gukategiswe, a na fenengedza mili waye khu gikhunyula nya linyu; a na hunga giwunu khu keka nya linyu, a na ambala hungoni gihugu nya linyu. Guambala gu agisidwego, fanede gu gu ambala basi hwane nya gu na hambide mili waye khu mati.

Levhi 16:4 Iomraidhean Croise

Ekisodha 28:2

U na girela ndriyago Aroni dzingandzu nya miphaso gasi gu mu ninga wuzundzo ni wumburi.

Ekisodha 29:4

U na rana Aroni gumogo ni sanana saye va hidzimela kala Tshatshatunu nya Tshangano, u na va handza khu mati.

Ekisodha 30:20

Gikhati va belago Tshatshani nya Tshangano va na hamba khu mati yaya, gasi va sifi; va na gira gambe idzosaye gikhati va hidzimelago vbagiluvelotunu gasi guya khozela ni gu gira miphaso nya guvbisedwe Pfhumu Nungungulu;

Ekisodha 40:12

U na hidzimisa Aroni ni sanana saye kala vbamwanyatunu nya Tshatsha nya Tshangano, u va handza khu mati.

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Ezekiyeli 44:19

Va gu duga va hongola ga likupakupa la vbavbandze, avbo va guromo vathu, va na tshula guambala va nga bani va thuma khugo, va gu vega makhuvini nya guage, va ambala gumbe guambala, gasi va si agisi vathu khu guambala gwawe nya wuphasi nya mhamba.

Ezekiyeli 9:2

Nyi di wona livbandre na moyo vama na va guta khu mwanya nya wukhongolo, moyo ni moyo nari ni litshari nya gusonge mandzani. Va diri ni mwama moyo a nga bani a ambade dzingandzu nya seda na khwetedzide libhandrini gwaye gilo nya gulove. Va di bela vaya khala khu phuvbo nya giluvelo nya sugu.

Levhi 16:23

Khu hwane, Aroni a na bela gambe Tshatshani nya Tshangano aya tshula guambala nya linyu a nga ambalago gubelani gwaye wulangani nya guage, aya gu tshiya umo.

Levhi 16:24

A na hamba khu mati givili gyaye wulangani wu agidego, a gu ambala gambe dzingandzu dzaye; khavbo avbo, a na duga aya gira ningelo waye nya phaso nya guvbiswe, ni owu wa vathu, a dzi girela nayo nya gu dzi agise uye mune ni gu agisa vathu.

Levhi 16:32

Wule a na gu bani na todzidwe a wumbedwa thumoni nya wuphasi nya mhamba, a tshikedza wulanga wa babe waye, khuye a na girago mhamba yeyi nya guagise sighoho, na ambade guambala nya linyu, guambala nya miphaso.

Levhi 6:10

Muphasi nya mhamba a na ambala ngandzu nya gulaphe nya seda, a ambala gambe ni gikhunyula nya seda gasi gu fenengedza givili gyaye. A na wola nguma hwane nya gu nilo na wu tsagamiside nyama nya phaso nya guvbiswe vbagiluvelotunu, a wu vega khu bambe nya giluvelo.

Levhi 6:3

mwendro, na rode gilo gya muthu gi dzimedego, a langa, a lipha khuye kha giti, ngudzungudzu a gu bwelo khavbo a sambanya malipha ga silo nya nga esi, mwendro ga gevbini gimbe gilo gi girago gu muthu a ghoha.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Vafilipi 2:7

Aholu a di diga wufumu waye a gu dzi gira khumbi, a dzi gira idzosaye ni vathu. Na gu vbanya khu makhalelo nya wuthu,

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.