Levhi 16:34 - Bhibhiliya Nya Guage

³⁴ Satshavbo sesi si na khala nayo nya gupindruge vbakari gwanu, gasi sanana sa Israyeli si agiswa gumogo khu mwaga, va handzwa sighoho sawe satshavbo.” Uye a di gira satshavbo iso Pfhumu Nungungulu a nga rumago Mosi.

Levhi 16:34 Iomraidhean Croise

Ekisodha 27:21

Aroni ni sanana saye va na sayisa wenengedzo wowu umo nya Tshatsha nya Tshangano khu vbavbandze nya mwendra wu na bhiyago makhuvini nya gidzumeledzwano. Dzikandriya dzi na wenengedza mbeli ga Pfhumu Nungungulu, gukhugela gupfola nya lidambo kala gugya. Nayo yoyu, wu fanede gu sayiswa khu sanana sa Israyeli ni situgulwana sawe gikhati gyatshavbo kala gupindruga.”

Ekisodha 30:10

“Aroni a na gira milayo nya guagise dzikeho nya giluvelo, gumogo khu mwaga; khu litshigu nya mhamba nya guhandze siwono, a na todza dzikeho nya giluvelo khu novba nya girengo gi payedwago gu handza sighoho, khidzo kharati gi na agiswago khidzo giluvelo khu situgulwana ni situgulwana. Giluvelo gegi gi na bani gi agide ngudzu mahoni gwa Pfhumu Nungungulu.”

Ekisodha 39:43

Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.

Levhi 16:2

Pfhumu Nungungulu a di embela Mosi, khuye: “Tivisa ndriyago Aroni gukhuwe, kha dzi kodzi gubela nya mubele wulangani nya guage, ndrani nya mwendra nya makhuvi, mbeli nya gikhalo nya ditshedzo gi guromo vbatshani nya Ngasa nya Gidzumeledzwano, gasi a sifi, kholu Eni nyi na wonega lipfhini vbatshani nya gikhalo nya ditshedzo.”

Levhi 17:1

Pfhumu Nungungulu a di embela Mosi, khuye:

Levhi 23:28

Mu nga thumi thumo nya gulemele litshigu lolo, kholu litshigu nya ditshedzo, gasi gu giredwa nayo nya guagiswe mbeli ga Pfhumu Nungungulu wanu.

Levhi 23:31

Khu guralo, mu nga thumi gilo, oyu nayo nya gupindruge ga situgulwana sanu ni wevbini wulanga mu na vbanyago umo.

Levhi 24:23

Mosi a di ya tshamusela satshavbo ga sanana sa Israyeli. Khavbo avbo, va di dzega muvali va duga naye vbavbandze nya wughovelo, va ya mu pfara khu siwindri. Kharati, sanana sa Israyeli si di tadzisa sileletelo sa Pfhumu Nungungulu a nga leletelago Mosi.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Mitengo 29:7

Khu litshigu nya likhumi nya ngima yoyu nya livbandre na wuvili, mu na girani tshangano nya guage, mu dawulela sighoho, mu nga thumi thumo nya gulemele.

Vahebheru 10:14

Khu magirelo yoyo, khu mhamba mweyo basi, Kristo agiside, va vbelela kala gupindruga, vale va nga handzwa sighoho.

Vahebheru 10:3

Khu lisine, miphaso yoyo, ya gu thuma gu dundrugisa vathu sighoho sawe khu mwaga ni mwaga.

Vahebheru 9:25

Muphasi nya khongolo nya mhamba nya Vajudha a gu bela khu mwaga ni mwaga makhuvini nya Wulanga nya Guage Ngudzu na pharide novba nya sirengo. Aholu, Kristo kha bela aya dzi ningela dzinyondro nya dzingi.

Vahebheru 9:7

Aholu, makhuvini nya wuvili, gu ranwago Wulanga nya Guage Ngudzu, gu di bela basi muphasi nya khongolo nya mhamba, gumogo khu mwaga. Uye a di ningela ga Nungungulu novba nya sirengo khu sighoho saye ni esi si nga girwa khu vathu khu wuhangi.