23 Khu hwane, Aroni a na bela gambe Tshatshani nya Tshangano aya tshula guambala nya linyu a nga ambalago gubelani gwaye wulangani nya guage, aya gu tshiya umo.
Gikhati vaphasi nya mhamba va belago, kha va na duga khu wulangani nya guage va hongola likupakupani la vbavbandze, aholu va na vega mule guambala va thumidego khugo, kholu ugo gu agide; va ambala gumbe guambala, khavbo va na dzi kodzago gu hidzimela ga wulanga wu lumbago vathu.”
Va gu duga va hongola ga likupakupa la vbavbandze, avbo va guromo vathu, va na tshula guambala va nga bani va thuma khugo, va gu vega makhuvini nya guage, va ambala gumbe guambala, gasi va si agisi vathu khu guambala gwawe nya wuphasi nya mhamba.
A na ambala ngandzu nya linyu nya gukategiswe, a na fenengedza mili waye khu gikhunyula nya linyu; a na hunga giwunu khu keka nya linyu, a na ambala hungoni gihugu nya linyu. Guambala gu agisidwego, fanede gu gu ambala basi hwane nya gu na hambide mili waye khu mati.
Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.
Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.