Levhi 16:14 - Bhibhiliya Nya Guage

¹⁴ A na dzega novba wudugwana nya kuzi a mitegedzela khu nyala phuvbo ga Khugadambo nya gikhalo nya wuhindzi; khu nyala yaye, a na mitegedzela novba livbandre na guvili, mbeli nya gikhalo nya wuhindzi.

Levhi 16:14 Iomraidhean Croise

Levhi 16:19

Khu nyala yaye a na mitegedzela novba vbagiluvelotunu livbandre na guvili a gi kategisa ni gu gi handza gunyenyeza gwatshavbo gwa sanana sa Israyeli, gasi gu gi agisa.

Levhi 4:17

A na nega nyala novbani, a mitegedzela khu novba wowo livbandre na dzimbili dzinyondro mbeli ga Pfhumu Nungungulu na khedzane ni mwendra nya makhuvi nya Wulanga nya Guage.

Levhi 8:11

A di mitegedzela khayo livbandre na dzimbili dzinyondro vbagiluvelotunu a gi kategisa gumogo ni sombo saye satshavbo, mbiya ni girandro gyaye, a si agisa.

Mitengo 19:4

Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro.

Vahebheru 10:19

Khu guralo, vandruye, khu novba wa Jesu hi tshudwe, gasi hi bela makhuvini nya Wulanga nya Guage Ngudzu.

Vahebheru 10:4

Kholu novba nya dzikuzi ni dziphongo gima kha wu dzi kodzi gu handza sighoho nya muthu.

Vahebheru 12:24

Ga Jesu a gu Mutshanganisi nya gidzumeledzwano nya giphya, uye a vbaladzidego Novba wu ganelago silo nya gu hi phase guvbindra novba wa Abheli.

Vahebheru 9:13

Kholu milovba nya dziphongo ni dzikuzi ni nguma nya mombe nya ngadzi wu nga bani wu gu thedwa vbatshani ga ava va nyenyezidego, wu diri ni tshivba nya gu va handze khu vbavbandze basi.

Vahebheru 9:21

Khu magirelo ya mamowo, Mosi a di mitegedzela novba nyumba nya miphaso ni sombo satshavbo si thumelago miphaso.

Vahebheru 9:25

Muphasi nya khongolo nya mhamba nya Vajudha a gu bela khu mwaga ni mwaga makhuvini nya Wulanga nya Guage Ngudzu na pharide novba nya sirengo. Aholu, Kristo kha bela aya dzi ningela dzinyondro nya dzingi.

Vahebheru 9:7

Aholu, makhuvini nya wuvili, gu ranwago Wulanga nya Guage Ngudzu, gu di bela basi muphasi nya khongolo nya mhamba, gumogo khu mwaga. Uye a di ningela ga Nungungulu novba nya sirengo khu sighoho saye ni esi si nga girwa khu vathu khu wuhangi.