Levhi 16:13 - Bhibhiliya Nya Guage

¹³ A na thela libani niloni, mbeli gwa Pfhumu Nungungulu, gasi wutshi nya gunungele wu fenengedza gikhalo nya wuhindzi gi guromo vbatshani nya Ngasa nya pwanano. A gu gira kharato kha na gafa.

Levhi 16:13 Iomraidhean Croise

Ekisodha 25:21

U na handzega gikhalo nya ditshedzo vbatshani nya ngasa, ndrani nya ngasa u vega Wufakazi nyi na gu ningago.

Ekisodha 28:43

Aroni ni sanana saye va na si ambala gasi va kodza gubela Tshatshani nya Tshangano, va kodza gu hidzimela vbagiluvelotunu va ta thuma Makhuvini nya Guage, gasi va si mani nandru vafa. Owu wu na bani wuri nayo nya gupindruge ga Aroni ni situgulwana saye.

Ekisodha 30:1

U na gira gambe giluvelo nya guvbisele avbo libani, u na gi gira khu sena.

Levhi 22:9

Va na landrise milayo yangu, gasi va si mani nandru khu silo sesi va dzi vangela lufu khu gu dzi nyenyezisa. Eni kheni Pfhumu Nungungulu, nyi va agisago.

Mitengo 16:18

Muthu ni muthu a di dzega givbiselo gyaye, a thela magala a gi tadza khu libani, va ya si vega vbanyangwatunu Tshatsha nya Tshangano, gumogo ni Mosi ni Aroni.

Mitengo 16:46

Mosi a di embela Aroni, khuye: Dzega givbiselo gyago nya libani u thela umo magala ya vbagiluvelotunu, u thela libani. Indra khu gu vbiredza vbakari nya tshangano u ya gira phaso nya ditshedzo, kholu Pfhumu Nungungulu gorogide ngudzu; wu ngu phela tungu.”

Mitengo 16:7

mindru thelani nilo somboni mu thela libani umomo mbeli ga Pfhumu Nungungulu. Wule a na hathwago khu Pfhumu Nungungulu a na bani a agide; hi garade khenu va na Levhi!”

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 4:20

Aholu va nga beli va ya wona Wulangani nya Guage wu fenengedzidwego, kholu va ngafa.”

Dhewuteronome 33:10

U hevbudzide Jakobe gululama gwago ni nayo wago va na Israyeli; va di gu vegela libani dzithonvuni gwago, ni miningelo nya guvbiswe, vbagiluvelotunu gwago.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

Vahebheru 9:24

Kholu Kristo kha bela Makhuvini nya Wulanga nya Guage Ngudzu nya gugirwe khu mandza nya vathu a gu giyeyedzo nya Wulanga nya Guage nya lisine. Uye bede ndzadzini gwabune, umo a guromo olu a lombelela khu ethu mbeli ga Nungungulu.