Levhi 16:10 - Bhibhiliya Nya Guage

¹⁰ Aholu wule wu hathidwego khu solo gasi gu ningedwa Azazeli, wu na bikedwa na wu gu vbanya mbeli ga Pfhumu Nungungulu, gasi guta girwa nayo nya guagiswe vbatshani gwaye, va hegisa va yi ghula yi hongola giwulani, yi khala ya Azazeli.

Levhi 16:10 Iomraidhean Croise

Levhi 14:7

Khavbo avbo, a na mitegedzela livbandre na dzimbili dzinyondro wule a agiswago madwali nya sokono, a tivisa gukhuye agide. Khu guhegisa a na tshula ginyoni nya guvbanye gi vbuvba.

Levhi 16:8

Aroni a na hatha ga vamabhongwe va vavili, khu gu lola dzisolo: Moyo wa Pfhumu Nungungulu, mumbe wa Azazeli.

Levhi 16:9

Aroni a na ningela ga Pfhumu Nungungulu, mabhongwe wule wu nga hathwago khu solo, a na wu bikela a gira phaso nya ditshedzo;

Varoma 3:25

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe.

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

1 Johane 3:16

Kharato, khavbo hi dzitigo gukhethu ginani lihaladzo: Kristo ningede guvbanya gwaye khu kotani gwathu. Khu guralo, ethu nethu hi ngu yela gu ningela guvbanya gwathu khu kotani ya vandriyathu.