Levhi 14:8 - Bhibhiliya Nya Guage

⁸ Wule a na agiswago, a na handza dzingandzu dzaye, a vbaludwa ndzudzu waye watshavbo, aya hamba, a na agiswa. Khavbo avbo, a ngu dzi kodza gu wuya lizumboni, aholu a na khala livbandre na mavili matshigu vbavbandze nya tshatsha waye.

Levhi 14:8 Iomraidhean Croise

2 Dzikoronika 26:21

Khu guralo, mufumeli Uziya, a di dwala khu sokono kala litshigu nya gufe gwaye. Khu kotani nya madwali nya sokono, a di segedwa nyumbani gwaye enga, kholu a di hambanisidwe ni Nyumba ya Pfhumu Nungungulu; mwanaye Jothamo, a di rwegidwe rwalo nya guthangele nyumbani nya wufumu, gasi gu lamula vathu va tigoni.

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Ekisodha 19:14

Khavbo avbo, Mosi a di tshiga khu gigomoni aya ga vathu. Uye a di agisa vathu, avo va di ya handza dzingandzu dzawe.

Levhi 11:25

Ni oyu a rwalago sirumbi sakone fanede guhandza dzingandzu dzaye, gambe a na nyenyeza kala gupfolani nya lidambo.

Levhi 14:20

Muphasi nya mhamba a na ningela phaso yoyu nya guvbiswe vbagiluvelotunu gumogo ni ningelo nya guhodze; kharati, a na mu girela nayo nya guagiswe, muthu yoyo a na aga.

Levhi 14:9

Khu litshigu nya livbandre na mavili, a na vbaludwa mafefeleti milini gwaye gwatshavbo. Ndzudzu, giledzu, dzitshi ni satshavbo. A na handza guambala gwaye, aya hamba mili matini, a na agiswa.

Levhi 15:13

Aholu a gu hegisa gudugelela wusila khu milini gwaye, mudwali a na saya livbandre na mavili matshigu hwane nya gu na hawulugide; a handza dzingandzu dzaye, aya hamba matini ya tsongoni, a na aga.

Levhi 8:6

Khu gulandrela a di ranisa Aroni ni sanana saye va hidzimela, a va handza khu mati.

Mitengo 6:9

A gu tshuka afa muthu khu githugedza vbafuvbi gwaye, a nyenyeziswa hungo waye wu agisidwego khu gifungo nya wunaziri, uye a na vbalula ndzudzu waye khu litshigu nya gu dzi agise gwaye, a na wu vbalula khu litshigu nya livbandre na mavili.

Mitengo 8:7

Gasi gu va agisa, u na gira, kharati: U na va mitegedzela khu mati nya guditshedze sighoho; va ya dzi vbalula ndzudzu ni mafefeleti nya givili gyawe gyatshavbo, va handza guambala gwawe, va hamba, va dzi agisa kharato.

Dhewuteronome 21:12

mu dzege u mu yisa gaya gwago, uye a na vbalula ndzudzu ni gu pila samba,

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.