Levhi 14:12 - Bhibhiliya Nya Guage

¹² Muphasi nya mhamba a na dzega nvuta mweyo a yi bikela kha nga ningelo nya phaso nya gulivbe milandru gumogo ni ndrengo nya mafura a na si ndziwitela mbeli ga Pfhumu Nungungulu khu nayo nya bikelo.

Levhi 14:12 Iomraidhean Croise

Ekisodha 29:22

U na dusa mafura nya nvuta, ngila ni mafura ma fumbelago mahembe ni gifumbelo nya libindri ni dzitshwa dza dzimbili ni mafura ma dzi fumbelago ni litumbi la nyamudye, kholu nvuta nya guwumbele vaphasi nya mhamba.

Ekisodha 29:24

Satshavbo sesi u na si vega mandzani ga Aroni ni mandzani ga sanana saye, u si ndziwitela mbeli ga Pfhumu Nungungulu.

Ekisodha 29:26

U na dzega khana nya nvuta yi nga thumiswago gu wumbela Aroni, u yi ndziwitela gasi gu yi bikela ga Pfhumu Nungungulu, khigyo gi na bani giri gipandre gyago.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 14:11

Muphasi nya mhamba a na gu thangelago thumo nya guagise, a na bikela oyu a vbwetago gu agiswa ni miningelo yeyi yatshavbo mbeli ga Pfhumu Nungungulu nyangwatunu nya Tshatsha nya Tshangano.

Levhi 14:19

Khavbo avbo, muphasi nya mhamba a na ningela gambe phaso nya ditshedzo a girela nayo nya guage wule a agiswago gu nyenyeza gwaye; khu guhegisa a na ningela mhamba nya phaso nya guvbiswe.

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.