Levhi 13:26 - Bhibhiliya Nya Guage

²⁶ Aholu muphasi nya mhamba a gu wona gukhuye avba nya gibalavandza gu mwalo mawoya nya gukwalale, ni gukhuye wulanga kha gwa bovela ni gu khala liphala vbavbatshi nya tshonge, aholu na gi agide vbadugwana, a na segela muthu yoyo livbandre na mavili matshigu.

Levhi 13:26 Iomraidhean Croise

Levhi 13:23

Aholu gibalavandza gya gumba dandra, gi ema kharadele, nyamba engedzelana, gu wonega gupwani gibalavandza nya gilondra, khu kharato, muphasi nya mhamba a na mu tivisa gukhuye a agide.

Levhi 13:25

muphasi nya mhamba a na mu khedzisa. A gu wona gukhuye avbo nya gibalavandza mawoya ma vbindrugedzide ma kwalala, ni gu wona gukhuye wulanga wakone wu bovede gu khala liphala, sokono yi dugago khavbo a nga vbyago; muphasi nya mhamba a na tivisa gukhuye muthu yoyo kha aga. Madwali nya sokono.

Levhi 13:27

Khu litshigu nya livbandre na mavili a na mu khedza gambe. A gu wona gukhuye gilondra gi engedzede gi dandra milini, muphasi nya mhamba a na mu tivisa gukhuye kha aga; madwali nya sokono.