Levhi 13:20 - Bhibhiliya Nya Guage

²⁰ Muphasi nya mhamba a gu mu khedzisa a wona gukhuye gilondra gi khade liphala vbavbatshi nya tshonge, ni gukhuye mafefeleti ya wulanga wowo ma vbindrugedzide ma kwalala, a na tivisa gukhuye muthu yoyo kha aga. Madwali nya sokono ma dugago khavba gu nga bani guri ni gilondra.

Levhi 13:20 Iomraidhean Croise

Levhi 13:19

aholu wulanga wa wumowo wuta wonega gu simba ni tshonge nya gufuvile, muthu yoyo a na dzi bikela ga muphasi nya mhamba afela gu khedziswa.

Levhi 13:2

“Muthu a gu wona avbo nya tshonge nya mili waye gusimba, gilondra, mwendro sirandzi si nonedza gukhwatshi a gu bedwa khu madwali nya sokono, gu vbwetega aya dzi nonedza ga muphasi nya mhamba Aroni, mwendro ga moyo nya muphasi nya mhamba nya gyanana gya Aroni.”

Levhi 13:21

Aholu muphasi nya mhamba a gu khedzisa gilondra a si woni mafefeleti nya gukwalale, ni gilondra gu khala liphala, aholu a gi wona na gi agide vbadugwana, muphasi nya mhamba a na mu segela livbandre na mavili matshigu.

Levhi 13:3

Muphasi nya mhamba a na khedzisa gwadi wulanga nya gilondra: A gu wona gukhuye mafefeleti nya wulanga wowo ma vbindrugedzide ma kwalala, ni gukhuye wulanga wowo wu etide gu khala liphala, gu nonedza gupwani madwali nya sokono. Khu guralo, muphasi nya mhamba a na mu khedzago, a gu wona nari kharato, a na tivisa gukhuye mudwali kha aga.

Matewu 12:45

la gu dzega mambe livbandre na mavili maphuvbo nya guvivbe guvbindra ilo, mata bela nyumbani momo ma khala yatshavbo. Khavbo avbo, mavbanyelo nya muthu yoyo ma gu nyenyeza guvbindra idzo a nga bani a romo khidzo guhegulani. Khiso esi si na dugelelago mela yoyu nya guvivbedwe khu monyo.”

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.