Levhi 13:2 - Bhibhiliya Nya Guage

² “Muthu a gu wona avbo nya tshonge nya mili waye gusimba, gilondra, mwendro sirandzi si nonedza gukhwatshi a gu bedwa khu madwali nya sokono, gu vbwetega aya dzi nonedza ga muphasi nya mhamba Aroni, mwendro ga moyo nya muphasi nya mhamba nya gyanana gya Aroni.”

Levhi 13:2 Iomraidhean Croise

2 Samuweli 3:29

Novba yoyu, wu na thegele hungoni ga Jowabhi ni valongo vaye! Gima gu nga tshuki gu hamugega muthu nyumbani ga Jowabhi nyamba dwala khu novba, nya sokono, gilima nya gugimbile khu dzindronga ambari gisiwana nya gulombe zomola.”

2 Dzipfhumu 5:1

Nahamani, muthangeli nya nyimbi ya mufumeli wa Siriya, a diri muthu nya guthavisege mbeli ga mune waye, gumogo ni gu zundzega kholu khavbo gwaye, Pfhumu Nungungulu a di ningide Vaasiriya va dugelela; uye a diri mwama nya ndrena, aholu a diri ni sokono.

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

Isaya 1:6

Gukhugela migondroni kala hungoni gu mwalo ni wulanga wu vbanyago gwadi, givili gyatshavbo sithunya, dzimbanga ni silondra nyamba handzwa ambari gu hungeledwa, mwendro gu nyegiswa khu mafura.

Isaya 3:17

Pfhumu Nungungulu a na thela sidhole mihungoni ya vanyamahegyane va Siyoni, a va tshulela dzitshalu va khala wumbwiri.

Levhi 13:1

Pfhumu Nungungulu a di embela Mosi ni Aroni, khuye:

Levhi 13:3

Muphasi nya mhamba a na khedzisa gwadi wulanga nya gilondra: A gu wona gukhuye mafefeleti nya wulanga wowo ma vbindrugedzide ma kwalala, ni gukhuye wulanga wowo wu etide gu khala liphala, gu nonedza gupwani madwali nya sokono. Khu guralo, muphasi nya mhamba a na mu khedzago, a gu wona nari kharato, a na tivisa gukhuye mudwali kha aga.

Levhi 13:8

Khavbo avbo, muphasi nya mhamba a gu wona gukhuye madwali ma engedzelane gudandra ma ya mbeli, a na tivisa gukhuye mudwali kha aga: A na ni sokono.

Levhi 14:3

muphasi nya mhamba a na duga vbavbandze nya lizumbo gasi guya mu khedza, a gu wona gukhuye madwali nya sokono, ma hawulugide,

Levhi 14:35

mune nya nyumba yoyo fanede guya tivisa muphasi nya mhamba, a mu embela, khuye: Nyi wonide nya gukhwatshi madwali nya sokono nyumbani gwangu.

Levhi 14:56

nya sithunya, wuhaga ni sibalavandza,

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Mitengo 12:10

Avbo lipfhi li nga khugago khu vbatshani nya Tshatsha; Miriyamu a di phorola khu sokono, gu wonega kha nga thondrwane; Aroni a di thendregedza a wona Miriyamu nari ni sokono.

Mitengo 12:12

Miriyamu, a nga giri kha nga muthu nya gufe ndrani ga mayi waye, a dugago mili waye na wu hinide!”

Matewu 8:4

Aholu Jesu a di mu laya, khuye: “U nga embeli muthu; indra dzi leyedza ga muphasi nya mhamba, gufela gu a ningela, khu guagiswa gwago, iso si rumwago khu Mosi, gasi gu khala nari wufakazi vbakari gwawe.”

Marko 1:44

“U nga embeli muthu esi nyi gu giredego, aholu indra dzi yeyedza ga muphasi nya mhamba gasi afela gu ningela, khu gu agiswa gwago, esi si rumwago khu Nayo wa Mosi, gasi gu khala wufakazi vbakari gwawe.”

Luka 17:14

Na va wone, a di va embela, khuye: “Indrani muya dzi yeyedza ga vaphasi nya mhamba.” Na va gu hongola, va di agiswa vatshavbo.

Luka 5:14

A di mu laya gu a si embeli muthu, bwelo khavbo a mu embela, khuye: “Indra dzi yeyedza ga muphasi, gasi uye a ningele, khu gu agiswa gwago, iso si rumwago khu Mosi, gasi gu khala nari wufakazi vbakari gwawe.”

Dhewuteronome 24:8

Dzi wonele ga tungu nya sokono, dzi garadze khu gu landrisa satshavbo u na hevbudzwago khu vaphasi nya mhamba va na Levhi; kha nga idzo nyi va leletedego khidzo, zama gu si gira.

Dhewuteronome 28:27

Pfhumu Nungungulu a na gu veta khu mitungu ya tigoni ga Egipito; gumogo ni sithunya ni mbatata, ni gighwere ni gu dzi tshuvela si si kodzwigo gu halawugiswa.